Pas de Sant Ambroeus

Quest articol chì l'è scrivud in lombard, con la Noeuva Ortografia Lombarda

La pas de Sant Ambroeus a l'è stad l'acord che l'ha mitud fin ai conflit in tra el popol e la nobiltà del liber comun de Milan, firmada in la Basilega de Sant Ambroeus el 4 d'avril del 1258, dopo de la tregua de Parabiaa de l'ann prima, che l'haveva fermad el combater in atesa de 'na soluzzion final.

L'è stada mediada di podestà de la cità, i piasentin Felip Visdom e Ricard de Fontana, de vari representant elesgiud de popol e nobiltà e de element feudai de Noara e Com. L'ha garantid una representanza a valvassor e valvassin, oltra a partì varie careghe in tra popol e nobiltà.

L'ha garantid anca una grazzia de la pupart di riat e la revoca de tucc i statut fad dopo del 1251, foeura de quei aprovad in favor de la Gesa.

Riferiment

• La Colonna del Diavolo Archiviad chi: [1]

Bibliografia

• Storia Universale del Ceser Cantù, note al liber XII, pagina 719