Lumbard ucidental Quest articol chì l'è scrivuu in lombard, grafia milanesa.

La piev de Locaa l'è stada vuna di piev religios e ministrativ del Milanes.
El sò patron l'era el San Lissander.
On temp el capopiev l'eva el paes de la Piev (come 'l sugeriss anca el nomm): a bon cunt besogna regordàss che fina al 1499 Locaa e la Piev faseven part de l'istess comun, e che domà dopo s'hinn dividuu. El comun de Locaa, feud di Trivolz, l'era pussee gross e important, e inscì la sede del capopiev l'è restada lì.
La piev la confinava a sud e a ovest cont el vicariad de Binasch, a nord-ovest con la piev de Cesan Boscon, a nord cont el territori de Milan e con la piev de San Donaa, a est con la piev de San Giulian.
La tirava denter i comun de la Piev, Locaa, Fizzonasch, Pizzabrasa, Tolcinasch, Basej, Roman, Cassin Scanas, Overa, Quint, Pont Sest, Rozzan e Torrigg.

La gesa de San Lissander in del comun de la Piev.