Piev de San Donaa
|
Quest articol chì l'è scrivud in lombard, con la Noeuva Ortografia Lombarda |
La Piev de San Donaa l'è stada vuna di piev religiose e civil del Milanes. El sant patron a l'era sant Donad.
Storia
ModifegaAtestada per la prima voeulta in del X secol, la piev de San Donaa la vegn ben descrivuda anca del Gofred de Busser che ne 'n da un quader complet in del XIII secol.
Un ultem moment positiv, el gh'è stad in del 1969 quand che, a la sopression del Vicariad de Linad, San Donaa el slarga i confin de la so piev, ma per poch temp, desgià che compagn de tute i olter piev, l'ha perdud i so fonzion civil in del 1797 e quei religios in del 1972.
Territori
ModifegaLa confinava a nord-ovest cont i Corp Sant de Milan, a nord-est cont i piev de Segrad e de Mezad, a sud-est con la Piev de San Giulian e a sud-ovest con quella de Locad. Un temp però probabilment la se slargava anca pussee a nord, e la rivava in fina a Lambrad.
A la fin del XVIII secol la gh'haveva denter i comun de San Donaa, Bolgian, Ceravall, Nosed, Morseng, Poasch, Maconagh, Quint, Vigentin, Vajan, Zel e Foramagn.
Bibliografia
Modifega- Liber notitiae sanctorum Mediolani del Gofred de Busser. Manoscritto della Biblioteca Capitolare di Milano, a cura di M. Magistretti, U. Monneret de Villard, Milano, 1917.
- Diocesi di Milano. Sinodo 46°, Milano, 1972, Pubblicazione curata dall'ufficio stampa della Curia arcivescovile di Milano.
- G. Vigotti, La diocesi di Milano alla fine del secolo XIII. Chiese cittadine e forensi nel “Liber Sanctorum” di Goffredo da Bussero, Roma, 1974.
- Istituzione dei nuovi vicariati urbani e foranei, 11 marzo 1971, Giovanni Colombo, arcivescovo di Milano, Rivista Diocesana Milanese, 1971.
Vos corelade
Modifega