Pittosporum
El Pittosporum a l’è on géner de piant de la famiglia di Pittosporacei, originari de l’Africa, l’Asia, l’Australia e i ìsol del Pacifich.
| pittosporum | ||||||||||||
|---|---|---|---|---|---|---|---|---|---|---|---|---|
| occ.: ???? or.: ???? | ||||||||||||
 | ||||||||||||
| Classifigazion sientífiga | ||||||||||||
|
Quèll gener chì el tira denter di piant a contégn arbòreo e arbistìv, che pòden raggióng divèrsi meter de altèzza. Quèll’alber chì el prodùss di borlìtt piscinitt verd minga commestìbil. In Italia el ven coltivàa ‘me ‘na pianta ornamentàl e per costruì i sces adrée a i riv del mar in del sud de l’Italia, in Sardegna e in Sicilia, ma anca in lLiguria. Modell:Dx
Speci coltivàa Modifega
Infra i speci pussée coltivàa ‘me di piant ornamentàj ciamom:
- el P. tobira, che l’è on arbùst originari de la Cina con di foeuj perpétuv e slongàd e ‘l gh’hà di fior bianch-crema molto profumàa, tirà insèma in scimm a ombrèlla che comparen de tarda primavera;
- el P. colensoi, originari de la Noeuva Zelanda, con di foeuj verd-scur varìi e di fior profumàa, in deporlor de color ross con firorida d’estaa;
- el P. undulatum, l’è on alber a grand svilùpp, originari de l’Australia;
- el P. tenuifolium, ch’a l’è on alber originari de la Noeuva Zelanda;
- el P. eugenioides, ch’a l’è on alber originari de la Noeuva Zelanda;
- el P. crassifolium e ‘l P. enderi de la Noeuva Zelanda.
El nòmm Pittosporum el ven del grècch "pitta = pésa" e "sporos = somenza" o ben "somenza cont on rivestimént resinós" per via del fàa che la somenza de quèll géner chì l’è quattada su d’ona sostanza tacchenta compagna de la résina.
Utilizzazion Modifega
‘Me pianta ornamental in di giardìn, e in di parch e in di viàl, soratùtt di zòn de la rivéra, per di sces e di smagg de arbust. In di clima con di invèrna molto frécc e longh el pò vèss coltivàa sora i terràzz.
A hinn di piant molto visitàd di av per via del sò nettà,[1][2] e se ghe n’è assée pòden dà on òttim mel.[3]
Métod de coltivazión Modifega
Voeuren ‘n’esposizion al sol tutt el dì, de la terrètta de medi impàst tendent al compàtt e dotada de bon risèrv de acqua in del cors de l’estàa.
Per mantegnì ‘na forma de la sciòma compàtta e decorativa, despèss la pianta la gh’ha de vèss gabada.
La moltiplica la ven trada innanz per somenà o, per i varietàa che gh’hànn di foeuj varìi, per mèzz del taj.
Disgrazi Modifega
- I attacch de coccinili pòden vèss molto gravi, s’a se interven no a temp.
- El gel fàòrt e longh el pròvoca di dagn ai piant foeura de la tèrra.
Riferiment Modifega
- ↑ (FR) Pittosporum tenuifolium & Apis mellifera. 2017-03-01. URL consultad in data 2020-05-14.
- ↑ (FR) Pittosporum heterophyllum & Apis mellifera. 2017-03-01. URL consultad in data 2020-05-14.
- ↑ (EN) Mel. URL consultad in data 2020-05-14.