Posizion apparenta del sol

Quest articol chì l'è scrivuu in lombard, grafia milanesa.

La posizion apparent del sol a l’è el fenòmen òttich per el qual el sol el par pussée alt in del ciel de quèll che l’è in realtàa. El succed perchè quand che i ragg de la lus del sol riven giò dal spazzi (mèzz men dens) e poeu intraversen l’atmosfera (mèzz pussée dens e semper pussée dens come che se và vers la superfice terrèstra) cambien direzion vesindoss a la normal (cioè la linea perpendicolar) de la superfice di separazion infra i du mèzz (per el fenòmen de la rifrazion second la leg del Snell), inscì che el sol el par pussée de sora de quèll ch’a l’è in realtàa (e de conseguenza el par levàss su on pussèe prèst e calà on poo pussée tard.

Per quèlla reson chì in di dì de l’equinòzzi quand che in teoria el dì e la nòtt doarissen ‘vègh l’istèssa durada de 12 or in realtà el sol el leva su on poo pussée prèst e ‘l cala on poo pussée tard donca la durada infra l’alba e ‘l tramont l’è on poo pussée de 12 or. (per esempi 12 or e 11 minu a New York)

Vos correlaa

• Rifrazion
• Sol
• Atmosfera terrèstra