Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

Prima Curinz Modifega

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Cinch Modifega

1Cumpletamént, l'è sentii che la ghe sia intra vialter furnegaziún, e una tal furnegaziún che la gh'è no né intra i naziún, che quajdün el gh'ha la miee de sò pader! 2E vialter sii sgunfiaa, e avii minga pütost piangiüü, perchè 'l sia tiraa föra del mèzz de vialter lü che l'ha faa chèsta aziún? 3Già che menter mì, no là in del corp ma là in del spirit, l'huu già giüdegaa, lü che l'ha faa chèst inscì, cuma sun là, 4in del nomm del Signúr Gesü, vegnüü insèma, voster e 'l mè spirit, cun la puténza del noster Signúr Gesü, 5de cunsegnà 'l tal omm a Satana a rüìna del corp, perchè 'l spirit el sia salvaa in del dì del Signúr.
6El voster vant l'è no bun. Savii no che un puu de levaa el fa levà sü tütt el gnocul[1]? 7Netee föra la vegia levaa, perchè siuv el növ gnocul, cuma sii sénza levaa. Già che anca la nostra pasqua, el Crist, l'è staa sacrifegaa; 8dunca, gh'èmm una fèsta, no cun levaa végg né cun levaa cativa e maligna, ma cun sinceritaa e veritaa sénza levaa.
9V'huu scritt in de la letera de mis'ciàv no insèma cun furnegadúr, 10no cumpletamént cunt i furnegadúr de chèst mund o cunt i avar e i lader o i iduladúr, degià che gh'avarìuv de andà föra sedenò de chèst mund. 11Ma adèss v'huu scritt de mis'ciàv no insèma cun quajdün che l'è ciamaa fradèll el sia un furnegadúr, un avar, un iduladúr, un remenadúr, un ciuch o un lader--mangee no cunt una tal persona. 12Già che che cossa l'è a mì giüdegà quij de föra? Giüdeghii no vialter quij de denter? 13Ma Diu el giüdegarà quij de föra. Tiree föra 'l malign de vialter medemm!

  1. o tüta la pasta

Navigaziun Modifega