Prima Curinz Capitel Ses

Quel articul chì l'è scrivüü in Lumbard, cun l'urtugrafia insübrica ünificada.

Prima Curinz

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Ses

¹Quajdün de vialter, perchè 'l gh'ha una questiún cuntra un alter, el vulza fàll giüdegà di ingiüst e no di sant? ²O savii no che i sant giüdegarànn el mund? E se 'l mund l'è giüdegaa cun vialter, sii no dègn de caus piscinitt? ³Savii no che giüdegarèmm angiuj? e no defàtt i coss de la vita? ⁴Dunca, se gh'avii di caus de la vita, fii setà giò lur che hinn desprezaa in de la gésa? ⁵Ve disi per la vergogna. Inscì el gh'è no intra vialter nissün savi, che 'l pudarà decid intra el sò fradèll? ⁶ma un fradèll el fa causa cunt un fradèll, e chèst denanz a quij che creden no? ⁷Dunca, l'è certamént già una perdida perchè gh'avii caus cunt i vialter medemm. Perchè no pütost sii ufes? Perchè no pütost sii sfrusaa? ⁸Ma vialter ufendii e sfrusii, e chèst a i fradèj.
⁹O savii no che i ingiüst ereditarànn minga el règn de Diu? Che siuv imbrujaa no: né furnegadúr, né iduladúr, né adülter, né tücc i düü umusessüaj, ¹⁰né lader, né avar, no ciuch, no remenadúr, no rapinadúr ereditarànn el règn de Diu! ¹¹E quij de vialter serii chèstcoss; ma sii staa lavaa föra, ma sii staa faa sant, ma sii staa faa giüst in del nomm del noster Signúr Gesü Crist e in del Spirit del noster Diu.
¹²A mì, tüsscoss hinn lecit, ma tüsscoss jüten no; a mì, tüsscoss hinn lecit, ma mì me lassaruu minga duminà de quajcossa. ¹³I mangià per el stumegh e 'l stumegh per i mangià, ma Diu el abularà tücc i düü de chèstcoss. E 'l corp l'è no per la furnegaziún ma per el Signúr, e 'l Signúr per el corp; ¹⁴E Diu l'ha levaa sü 'l Signúr e anca 'l me levarà sü per mèzz de la sua puténza. ¹⁵Savii no che i voster corp hinn member del Crist? Dunca, despö che huu ciapaa i member del Crist, i faruu member d'una pütana? Che 'l sia no! ¹⁶O savii no che lü che l'è ünii a una pütana l'è vün corp? Già che «I düü sarànn», el dis, «vöna carna». ¹⁷E lü che l'è ünii al Signúr l'è vün spirit. ¹⁸Scapee via de la furnegaziún! Ogni pecaa che un vèss üman el faga l'è föra del corp; ma lü che 'l fa furnegaziún el peca cuntra 'l so propi corp! ¹⁹O savii no che 'l voster corp l'è 'l témpi del Spirit Sant in de vialter, che gh'avii de Diu, e no de voster medemm? ²⁰Già che sii staa cumpraa a un prézi: alura dee gloria a Diu in di voster corp.

Navigaziun

• ← Indree a Capitel Cinch
• Inanz a Capitel Sett →
• A l'indes