Prima Curinz Capitel Düü
|
|
Quel articul chì l'è scrivüü in Lumbard, cun l'urtugrafia insübrica ünificada. |
Prima Curinz
ModifegaLa Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.
Capitel Düü
Modifega1E quand mì sun vegnüü a vialter, fradèj, sun vegnüü no cunt ecelénza de parola o saviéza, pruclamand a vialter el mistéri de Diu. 2Già che huu minga decis de savè quajcossa intra vialter se no Gesü Crist, e lü, crusefiss. 3E mì seri cun vialter cun debuléza, cun pagüra e cun tant tremúr, 4e la mia parola e la mia predicaziún l'era no cun paroll persuasiv de saviéza ma cunt el fà vedüü del Spirit e de la puténza, 5perchè la vostra féd la foss no in de la saviéza ümana[1] ma in de la puténza de Diu.
6E parlum saviéza intra i madür, ma saviéza no de chèsta etaa, né di auturitaa de chèsta etaa che hinn rebassaa a nagott; 7ma parlum la saviéza de Diu, scundüda in del mistéri, che Diu l'ha decis prima di sècuj per la nostra gloria, 8che nissün di auturitaa de chèsta etaa hann cugnussüü, perchè se l'avessen cugnussüü, avarìen minga crusefiss el Signúr de la gloria. 9Ma cuma l'è staa scritt:
«I robb che un ögg l'ha minga vedüü e un urègg l'ha minga sentii,
e l'è minga staa naa sü in del cör d'un vèss üman,
i quij Diu l'ha preparaa per quij che ghe vören bén».
10Già che Diu 'l gh'ha revelaa a nümm per mèzz del Spirit: degià che 'l Spirit el cerca tüsscoss, anca la prufunditaa de Diu. 11Già che chi di vèss üman l'ha vedüü i robb d'un vèss üman se no el spirit del vèss üman che l'è in de lü? Inscì, nissün l'ha vedüü anca i robb de Diu se no el Spirit de Diu. 12Ma nümm èmm minga ricevüü el spirit del mund, ma 'l Spirit che l'è de Diu, perchè cugnussum i robb che m'hinn daa liberamént de Diu; 13quijcoss che anca parlum hinn no cun paroll insegnaa de la saviéza ümana ma cun paroll spiritüaj insegnaa del Spirit che ünen[2] i robb spiritüaj. 14E un vèss üman natüral el ricev minga i robb del Spirit de Diu: già che l'è matada per lü, e 'l po minga capìj, perchè hinn giüdegaa[3] spiritüalamént. 15Ma 'l vèss üman spiritüal, menter el giüdega tüsscoss, lü l'è giüdegaa de nissün.
16Già che chi l'ha cugnussüü la mént del Signúr,
che 'l ghe mett insèma?
Ma nümm gh'èmm la mént del Crist.