Prima Giuan Capitel Vün
|
|
Quel articul chì l'è scrivüü in Lumbard, cun l'urtugrafia insübrica ünificada. |
Prima Giuan
ModifegaLa Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.
Capitel Vün
Modifega1Chell che l'era del prenzipi, chell che nümm èmm sentii, chell che èmm vedüü cunt i noster öcc, chell che èmm vardaa e i noster man hann tucaa, sü la parola de la vida--2la vita l'era fada cunussüda[1], e nümm èmm vedüü e testimonium e ve nunzium[2] la vita eterna, la quala l'era cunt el Pader, e l'era fada cunussüda a nümm--3chell che èmm vedüü e sentii: nümm ve 'l nunzium, perchè anca vialter gh'abiuv fradelanza[3]cun nümm. 4E nümm scrivum chest coss perchè la sia pièna la nostra letizia.
5E chesta l'è la nutizia che nümm hann sentii de Lü e ve nunzium, che Diu l'è lüs, e el gh'è nigün scür in de Lü. 6Se nümm disum che gh'èmm fradelanza cun Lü e caminum in del scür, nümm disum büsij[4] e praticum minga la veritaa. 7E se nümm caminum in de la lüs, cuma Lü l'è in de la lüs, gh'èmm fradelanza cun vün cun l'alter, e 'l sangh del so fiö Gesü el ne nèta de tütt el pecaa. 8Se nümm disum che gh'èmm minga un pecaa, nümm se trèmm matt[5] e la veritaa la gh'è no in de nümm. 9Se nümm cunfessum i noster pecaa, Lü l'è fedél e giüst per perdunà i pecaa e netàmm de tüta l'ingiüstizia[6]. 10Se nümm disum che èmm no pecaa, nümm ghe fèmm un busiard, e la sua parola la gh'è no in de nümm.
- ↑ o manifestada
- ↑ o pruclamum, anca in 3
- ↑ o cumuniün, anca in 6 e 7
- ↑ o busardum
- ↑ o se imbröjum
- ↑ Gr. adikia, che 'l vör dì anca iniquità, falsità