Segunda Peder Capitel Trii

Quel articul chì l'è scrivüü in Lumbard, cun l'urtugrafia insübrica ünificada.

Segunda Peder

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

← 2 Peder 2 • 2 Peder 3 • 1 Giuan 1 →

Capitel Trii

¹Chèsta l'è già, predilètt, la segunda letera che ve scrivi, in di quij dessedi cunt un regord la vostra ment s'cèta ²per regurdass i paroll che hinn staa predii di prufètt sant e 'l cumandamént del Signúr e Salvadúr travèrs i voster apostul, ³suratüt che savii che ghe vegnarànn in di ültim dì ghignard in ghignada, che narànn segund i lur propi desidéri ⁴e disarànn: «Due l'è la prumèssa de la sua vegnüda? Perchè, fin che hann durmii i pader, tütt el següta cumè fin del prenzipi de la creaziún.» ⁵Già che chèst el resta scundüü de lur vuluntariamént che i cel gh'eren de lungh témp, e la tèra d'aqua e travèrs aqua l'aveva furmaa insèma a la parola de Diu, ⁶per qual el mund l'era pö destrütt per vèss inundaa cunt aqua; ⁷E i cel e la tèra de adèss de la medema parola hinn metüü insèma cumè tesor, hinn tegnüü al fögh per el dì del giüdizi e de la destruziún di personn impi.
⁸E chèsta vöna cossa la duarìa minga stà scundüü a vialter, predilètt, che vün dì cun Diu l'è cumè mila agn e mila agn l'è cumè vün dì. ⁹El Signúr l'è no pédegh in de la prumèssa, cumè quij pensen pedegheza, ma l'è paziént cun vialter, perchè el vör no che quij mören ma che vann innanz al pentimént.
¹⁰Ma el dì del Signúr el vegnarà cumè un lader, in de qual i cel passarànn via cunt un frecass fort, e i elemént sarànn destrütt, essend brüsaa sü, e la tèra e i oper denter de lee sarà truada. ¹¹Già che inscì tücc chèst coss sarànn destrütt, de quala qualitaa de persona gh'avii de vèss vialter--in di cumpurtamént sant e in di pietaa, ¹²intanta che spetii e fii in prèssa la vegnüda del dì de Diu in del qual i cel sarànn destrütt per vèss brüsaa e i elemént se deslenguen per vèss metüü al fögh. ¹³E nümm spetum növ cel e una növa tèra segund la prumèssa, in di quij la sta de cà la giüstizia.
¹⁴Dunca, predilètt, intanta che spetii chèst coss, che siuv diligént per vèss truaa senza smagia e culpa, in de la pas. ¹⁵E pensee de la paziénza del noster Signúr cumè salvéza, propi cumè 'l noster fradèll predilètt Paul el v'ha scrivüü, segund la sapiénza che la gh'è stada dada, ¹⁶propi cumè in de tücc i so leter, el en dis sü chèst coss, in di quij gh'è un quij cossa dificila de capì, i quij i tambúr e i instabij torgen, propi cumè i alter Scritür, a la lur propi destrüziún. ¹⁷Dunca, vialter, predilètt, già che sii staa visaa prima, vardeev, per chè burlii giò no, essend minga condott via a l'errúr di sceleraa, de la vostra propia cundiziún salda, ¹⁸e cressii in de la grazia e in de la cugnussénza del noster Signúr e Salvadúr Gesü Crist. A lü la gloria, adèss e al dì etern.

Navigaziun

• Capitej de 2 Peder: Capitel 1 • Capitel 2 • Capitel 3
• Inanz a 1 Giuan 1 →