Prunus spinosa
|
Quell articol qì l'è scrivud in Lombard, cond l'ortografia Scriver Lombard. |
Ol brugnœl (anca brugnol, brignol, bragnol o brugnen), nom scientifeg Prunus spinosa (L.), a l'è un arbust de la famiea dei Rosaceae, jener Prunus.
| Prunus spinosa | ||||||||||||||
|---|---|---|---|---|---|---|---|---|---|---|---|---|---|---|
 Brugnœl in fior
| ||||||||||||||
| Classifigazion sientífiga | ||||||||||||||
|
Carateristege Modifega
A l'è una specie arbustiva qe la g'ha un comportament pioner; d'ordinare al se trova ai marjen dei bosc de latifoie, e despess al va a popolar i spazi verts miga coltivads.
Al cress come un arbust o un arbor picinin, a foie caduqe, volt intra i 2,5 e i 5 meter. La rusca l'è scura, i foie i è a forma d'œv, verde scure. I fior i è bianc, e i riva a marz o a'l prencepe de avril. I fruits (ciamads brugnœle o brugnole) i è rotonds, de color blœ-viœla, e i riva a la marudazion a setember-otover. Al fronta ben ol freid e tants parassids.
A l'è spantegads in quase tuta l'Europa e in sui rive asiatege del mar Neger.
Etimolojia Modifega
Brugnœl (e i oltre variazion) al vegn del latin medieval brugnolus (derivad del latin pruneolus, ajetiv de prunus).
Riferiments Modifega
- (IT) Valerio Ferrari, Lessico botanico popolare della provincia di Cremona: dialettale, etimologico, Cremona, Provincia di Cremona, 2016.