Provincia de Bobbi
La Provincia de Bobbi l'è stada ona provincia del Regn de Sardegna. Nassuda in del 1743, l'è stada soppressa in del 1859 e inserida in la Provincia de Pavia 'me circondari. Al dì d'incoeu on bell poo de comun fann part de la Provincia de Piasenza o de la Provincia de Genova.
Storia
ModifegaLa storia de la provincia la va dent a la storia de la città omonima.
In de la soa longa storia, el territori bobbies l'è staa:
In del 1341 l'è finii in di man di Milanes, che in del 1436 l'han faa vegnì ona contea del Ducaa sotta el domini di Dal Verme; in del 1516 l'è vegnuu part de on marchesaa situaa in del Principaa de Pavia, e inscì l'è restaa fina a la metà del XVIII secol.
Col Trattaa de Worms, i territori del Novares, de la Lomellina e de l'Oltrepò paves finiven sotta el domini del Regn de Sardegna, che l'ha spartii el territori in vari provincc. La contea de Bobbi, anca se l'era stada creada 'me provincia, fina al 1775 l'è stada part de la noeuva Provincia de Voghera.
In del 1796 hinn rivaa i Frances, che hinn staa casciaa di Russ in del 1799, dopo de la Battalia de la Trebbia. Ma dopo de la Battalia de Marengh (14 giugn 1800), el Bobbies l'è tornaa in di man frances.
Compagn de tutt el territori piemontes, anca Bobbi l'è staa annettuu a la Francia. In particolar, el faseva part del dipartiment de Marengh, che 'l gh'eva 'me capploeugh Lissandria. In del 1805 però el Bobbies l'è vegnuu on circondari del dipartiment de Genova.
In del 1806 el circondari de Bobbi el gh'aveva quei quatter canton chì:
- Canton de Bobbi
- Canton de Varz
- Canton de Zavattarell
Besogna anca dì che tanti di comun de la veggia provincia bobbiesa eren staa soppress e miss in comun pussee grand.
In del 1814 el Napoleon l'è borlaa giò e donca hinn tornaa i Savoia. El circondari de Bobbi l'è vegnuu, con la noeuva denominazion piemontesa, ona Provincia che la faseva part de la Division de Genova (i provincc italiann del dì d'incoeu). El territori l'era l'istess precis de quell del circondari napoleonigh, però el gh'era staa giontaa el contad de Otton.
In del 1818 ona part di comun l'è finii in de la Provincia de Voghera.
In del 1847 la Provincia de Bobbi la gh'aveva quatter mandament:
- Mandament de Bobbi
- Mandament de Otton
- Mandament de Varz
- Mandament de Zavattarell
In del 1848 la provincia de Bobbi l'è stada staccada de la Liguria e taccada al Piemont (Division de Lissandria).
Dopo de la Segonda Guerra d'Indipendenza, el decrett Rattazzi l'ha soppress la Provincia de Bobbi e l'ha fada vegnì on circondari de la Provincia de Pavia. La situazion l'è restada istessa con la nassida del Regn d'Italia, anca se, con l'abolizion di circondari in del 1923, ona part del Bobbies l'è stada spartida tra i provincc de Genova e de Piasenza, come l'è anca adess.
I comun
Modifega- Gravanagh, unii a Fortunagh.
- Moncasacch, unii a Caminada.
- Mont Fort, unii a Varz.
- Mont Picch, unii a Fortunagh.
- Nivion, unii a Cella de Bobbi.
- Oramala, unii a Val Nizza.
- Roccasusella, unii a Godiasch.
- Sajan de Bobbi, unii a Varz (poeu recostituii).
- San Ponz, unii a Cecima (poeu recostituii).
- Torr d'Albera, unii a Ruvin.
- Trebecch, unii a Caminada (poeu recostituii).
- Trebbian, unii a Pizz Coren (poeu recostituii).
- Borgh Ratt
- Cecima
- Godiasch
- Groeupp (adess in del comun de Pozzoeu de Groeupp, AL)
- Montsegal
- Pizz Coren (adess in del comun de Pont Nizza, PV)
- Staghijon (adess in del comun de Borgh Parioeu, PV)
- San Ponz (adess in del comun de Pont Nizza, PV)
- Trebbian (adess in del comun de Pont Nizza, PV)
In grassett i comun che hinn restaa in de la Provincia de Pavia fin'a incoeu.
- Bagnera
- Bobbi (adess in Provincia de Piasenza)
- Caminada (adess in Provincia de Piasenza)
- Cella de Bobbi (adess spartii tra Varz e Santa Margarita)
- Cerignal (adess in Provincia de Piasenza)
- Cort de Bergnell (adess in Provincia de Piasenza)
- Fascia (adess in Provincia de Genova)
- Fontanegorda (adess in Provincia de Genova)
- Fortunagh
- Gorree (adess in Provincia de Genova)
- Minchinigh
- Otton (adess in provincia de Piasenza)
- Preda Gavina (adess unii a Varz)
- Pregoeura (adess conossu 'me Brall de Pregoeura)
- Romagnes
- Rondanina (adess in Provincia de Genova)
- Rovegn (adess in Provincia de Genova)
- Ruvin
- Sajan de Bobbi (adess unii a Varz)
- Sant Alban de Bobbi (adess unii a Val Nizza)
- Santa Margarita
- Trebecch (adess unii a Nibbian)
- Val Nizza
- Valverda (adess in Provincia de Piasenza)
- Varz
- Zavattarell
- Zerb