Ran (Lamù)

La Ran (ラン, Ran^?) l’è on personagg ricorrent e antagonista de l'anime e del manga Lamù de l'autris Rumiko Takahashi.

Archivi:Ran Lamù.png

La Ran

Biografia

La Ran, de fioeula, l’è la prima amisa de la Lamù. A lo’è ona tosa aliena de aspet compagn di vèss uman, graziosa, coi cavei longh fucsia, di oeugg de l’istess color e un carater de solit grazios. L’adora a tegnì su di vestii de sciffon e di sòcch ampi ch’i la renden compagna d’ona pigottina. ‘Na quai volta, quand, che la stà in cà deperlee, inscambi di sò solit vestii, la gh’ha su on bikini roeusa succint. Intanta che la frequenta el Liceo Tomobiki, la gh’ha sù on fuku a la marinara ’me divisa scolastica. Quand che l'è feliz La se compòrta come ona tosa graziosa, eleganta e cont on contègn de fiolina, ma qund che le ven el sospètt ò la se inrabìss la gh’ha di reazion estremament violent, ch’i la menen a tentà di sparagh a quii che la fann andà in su tut i furi con di pistòll, bomb, martèi, slanzarazzi e bazooka che lee l'è solita a tira foeura sota la soa sòca.In del cors de la stòria el nom del sò pianètta de origin l’è mai menzionaa el nom, ma quasi de sicur l’è minga quèll de indove la Lamù la provèn: la Ran la gh’ha nò i caratter tipich di Oni,foeura che i longh dent canin che lee la mètt in mostra intanta che la se inrabiss. La soa abitazion l’è la astronave de lusso de color roeusa benis, drovada de lee per rivà in su la Tèrra, logada de lee in d’on parch tacaa a l’abitazion di Moroboshi e imbacuccada per falla diventà compagna d’ona cà normal. De fioela, la Ran l’è stada segnada e scombussolada de la severità de la soa mader, che l'era sòlita a sculattalla semper per ògni sò sbali, e che, despèss, la ghe trava adòss la colpa d’on quai guai commèss inveci de la Lamù, fina a odialla.

Lee, la Lamù, la Benten e Oyuki frequentaven l’istessa class ai scòll elementar e a hinn vegnuu di amigon. Despess, in del cors de la serie, a hinn faa vedè di flescbech relativ a di aveniment de l'infianza che influenzen la soa vita atual de lor. La soa amicizia con la Lamù la s’è crepada per via de la Rei: tucc dò i tosann i eren inamorad de lù, che però el s'è metud adree a morosà con la Lamù. La Ran l’è restada sconvòlta de la scèrna de la Rei, e la tacaa a covà on asti bestial in di confront de la Lamù colpevol (seconda lee) di havègh sgraffignà el moros. Ancaben che la Lamù l’ha lassaa el Rei de lì adree — perché le considerava on ciolla e vun che l'è mai content — la Ran l'è decisa a vendicass, per quella reson chì la riva in su la Terra con l'intenzion de portàgh via la soa stella a la Lamù. Con quell fin chì, la fa finta che l’Ataru el ghe piasa, cont el ginginà costantement con lù. La tosa la gh’ha el podè de toeugh via la giovinèzza ai bagai che la basa in sui laver, e l’è decisa a drovàll in su l’Ataru per mètt in pratica la soa vendètta. Amalastant i sò sfòrz, la Ran la ghe la fa nò a basà l’Ataru: alora la decid de restà in su la Tèrra fina tant che l’avrà minga riessia a completà el sò pian, e per avè pussee de possibilità de sta arenta a Ataru la se iscriv al Liceo Tomobiki e ‘l frequenta la class 2-7 (i alter protagonista de la serie a hinn in la 2-4). Per rivà ai so fin, la Ran la pratica tecnologia e magia negra.

La Ran, dopo che la Lamù l’ha lassaa el Rei, l’ha tacaa de noeuv a frequentà el fioeu in la spenza che lù el tachi a vorègh ben a lee. Lù, però el par pussee interessaa ai pitanzi che lee la prepara (a l’è 'na coeuga eccellenta) putost che si attenzion che la ghe riserva. La Ran la sa che ‘l Rei el gh’ha minga on interess particolar in di sò confront, ma quest la ghe fa minga pèrd el coragg: la giovina, de fatt, l’è bòna de pareggià di filter d'amor che lee la dopera ‘me 'n ingredient di piatt cusinaa per la Rei. Però i pian de la Ran, vegnen semper mandaa in aria de di aveniment de foeura che ghe impedissen al Rei de mangià i pitanz magich; quest però a ghe l’impediss nò a la tosa de cercà di occasion noeuv per conquistà el sò bagai.

Significaa del nom

La parola Ran la pò ciapà di significad diferent: orchidea o guèrra civil; tucc duu rispeggen perfetament i carateristich del personagg.

Doppiagg in la version italiana

In la version giapponesa l’è stada doppiada de la Kazue Komiya e da la You Inoue, inveci in Italia a hinn vegnude via voeuna l’altra diversi doppiatris:

• la Monica Cadueri, l'Angelina Contaldi, la Claudia Razzi e la Gabriella Andreini in del prim passagg de la serie televisiva;
• la Graziella Polesinanti, la Susanna Fassetta e la Renata Biserni in la seconda part di episodi de la serie animada;
• la Valeria Vidali in l’ultima part di episodi de la serie animada;
• la Giulia Franzoso in di OAV e in di film distribuii de la Yamato Video.

Ligamm de foeura

• (EN) Scheda su Ran sul sito Tomobiki-cho