Reforma costituzionala Renzi-Boschi
La reforma costituzionala Renzi-Boschi l'è stada 'na proposta per modifegà la Costituzion italiana insubida dal Matteo Renzi e da la ministra Maria Elena Boschi in la metà del 2014. L'è staa approvada dal Parlament el 12 de april del 2016 e la gh'ha dent i «disposizion per superà el bicameralism paritari, el sbassà el numer di parlamentar, el contegnì el cost del fonzionà di istituzion, la sopression del CNEL e la revision del titol V de la part II de la Costituzion». L'è stada scassada in del referendum confermativ del 4 de dicember del 2016.
El sò pont pussee important l'era quell de rivoluzionà el sistema bicameral italian: Da on bicameralism perfett indova la Cambra di Deputaa e 'l Senad de la Republica i gh'ha l'istessa importanza e i midemm compit a on sistema de bicameralism imperfett, indova el vot del Senad, reppresentazion di Consili Regionai, el vota obligatoriament domà in d'ona quaj situazion, comé per dà pussee autonomia a di Region, la legg elettorala, i legg europee, i trattaa internazionai e in di alter cas el pò intervegnì, ma l'ultima parolla l'è semper de la Cambra.
Siben che el saria staa portà tutt el poder legislativ concorrent di Region al Stat, el saria staa abolii el CNEL e i provincc sarien staa sostituii da di ent de vasta area, foeura di provincc autonom de Trent e Bolzan.