Regio istitut tecnegh
|
Quest articol chì l'è scrivud in lombard, con la Noeuva Ortografia Lombarda |
El Regio istitut tecnegh a l'è stada una scoeula segondaria in pè in Italia de l'unità d'Italia a la reforma Gentile del 1923, pensada per quei che voreven studià in di setor matemategh, comerciai e tecnegh, anca a andà inanz con l'istruzzion universitaria, e per i che l'andava no ben el licee classegh. Eren present soratut in di caploeugh de provincia di cità de l'Altitalia propi industrializade, che gh'haveven besogn de 'na dirigenza preparada e competenta a nivell tecnegh, e, in la sezzion fisegh-matematega e metallurgega-mecanega permeteven de andà a l'università, menter agrimensura e comerci el permeteven no, e se deventava di perit, di geometra o di ragionat.
Con la reforma Gentile del 1923 a inn serrad: la sezzion fisegh-matematega la deventa el licee scientifegh, quella industrial l'Istitut tecnegh industrial, quella de agrimensura l'Istitut tecnegh agrari e quella per i ragionat l'Istitut tecnegh comercial.
I so docent eren de solet propi qualifegad, ingegner despess lauread foeura de l'Italia, e che hann finid la soa carrera in di università o in di academie. In del Granducad de Toscana ghe n'eren sgiamò prima de l'Unità d'Italia.
Bibliografia
Modifega- I.T.I Montani Fermo. Scuola Tecnica e società moderna, a cura di G. Rogante, Nardini, Firenze, 2004.