Remissell

Quest articol chì l'è scrivuu in lombard, grafia milanesa.

El remissell o gamissell (alter nomm: bondorell, binant, fondaroeu, canell, glamost, borl, borlin, binell, oltra a l'italianism gomitol) l'è vuna di formi cont i quai se pò fà su 'n fil o 'n reff. La soa forma l'è quella d'ona balla. Insemma a l'ascia, la navetta e la rocca, l'è vun di formaa pussee drovaa de l'industria tessil per stoccà el filaa.
I remissei poeuden vess faa su sia a man che cont ona macchina.

On remissell verd faa su a man.

El nomm

Variant in lombard

L'AIS el ne da on mucc de variant locai per quella parolla chì:

• Remissell, lemissell, romissell, lumissell
  • [ram'sɛ] (Vigeven)
  • [ramy'sɛl] (Colegh)
  • [remi'ʃɛl] (Curcc)
  • [lima'sɛl] (Preston)
  • [rumi'sɛl] (Introeubi)
  • [lym'se] (Isola)
  • [lymi'ʃɛl] (Branz)
• Gamissell, camissell, smissell, gumissell, guminsell, comissell
  • [gamy'sɛl] (Bosasgia, Cortisciasca)
  • [kamy'sɛl] (Lanzada)
  • [gami'se] (Gajaa, Borbanee)
  • [kɑmi'sel] (Gnun)
  • [gami'sel] (Ornavass)
  • [gim'ʃil] (Cecch Morell)
  • [ɟam'ʃel] (Premia)
  • [ɕam'ʃel] (Trasquera)
  • [ʒmi'se] (Malesch)
  • [gamu'ʃɛl] (Gros)
  • [gromi'sel] (Mortas)
  • [gamø'hɛl] (Lumezann)
  • [gøme'hɛl] (Monasteroeu)
  • [gymi'hɛl] (Martinengh)
• Binant
  • [be'neːnt] (Mell)
  • [bi'nent] (Isolascia)
• Glamost
  • [gri'most] (Fontanee)
  • [gra'most] (Tiarn de Sotta)
  • [glɑ'most] (Bagolin)
• Binell
  • [bi'næ̃l] (Antrona)