Romantasy
|
Quest articol chì l'è scrivud in lombard, con la Noeuva Ortografia Lombarda |
El romantasy, o anca fantasy romantegh, l’è un sota-sgender de la narrativa fantasy che el messeda insema i element tipegh del fantasy con quii del romanz romantegh, cont el fà su una storia che la dœuvra tancc dei aspet pussee carataristegh de l’amor cavallaresch.[1] Vuna di qualitaa pussee importante del romantasy la consist ind el conzentràss sora i relazzion intra i personasg, che sajen sozziai, politeghe o romanteghe.[2]
El fantasy romantegh l’è stait publegad e coma fantasy, e coma romanz romantegh. Coma resultad del suzzess economegh che di scriccior compagn de la Sarah J. Maas e Rebecca Yarros hann scodud, i cà editris hann tacad a fogalizàss in sul sota-sgender nœuv. Un quaj editor l’ispartiss el “fantasy romantegh” – indova i element fantasy inn i pussee important – del romanz “romantegh fantastegh” – indova la storia la se impienta pussee in sui aspet romantegh.[1] Dei olter disen, però, che la linia de desmarcament intra el fantasy romantegh e el romanz romantegh fantastegh la gh’è pu, o che, se la gh’è ancamò, la seguta a ballà inanz e indree intra i duu sota-sgender.[3]
Referenze
Modifega- ↑ 1,0 1,1 Robinson, William C. (October 2004). A Few Thoughts on the Fantasy Genre. University of Tennessee, Knoxville.
- ↑ Snead, John. What is Romantic Fantasy?. Green Ronin Publishing.
- ↑ Fantasy Reviews