Rosa Massara de Capitani
|
Quest articol chì l'è scrivud in lombard, con la Noeuva Ortografia Lombarda |
La Rosa Massara de Capitani (Pavia, 1849 - Milan, 25 november 1925) a l'è stada ona poetessa italiana.
Biografia
ModifegaLa Rosa l'è nassuda a Pavia in del 1849 e l'ha fad prest san-martin a Milan. Chichinscì l'ha lavorad 'me insegnanta, diretora e ispetora di scoeule primarie.
L'ha publicad storie e cunt in italian in sgiornai educativ per fiolit, 'me per esempi L'Infanzia o Il piccolo italiano.
Al dì d'incoeu i rest del corp se troeuven in del Cimiteri Magior de Milan e gh'è una via a Milan cont el so nom in zona Bovisa.
Ovre
ModifegaL'ovra principal che l'ha scrivud in lombard a l'è stada A l'ombra del Domm, una catada de diverse so poesie.
El Ferdinando Fontana el scriv de lee in de la soa Antologia Meneghina:
|
«Lee la da proeuva de ona gran facilità sgiontada a dot minga comune de osservazzion. I afet pussee dolz inn rendud con gran evidenza; in quei vers chì on coeur avert el palpita ai sentiment gentii, pront semper a volé ben e perdonà.»
|
(Ferdinando Fontana - Antologia Meneghina)
|
L'ha anca scrivud di test per di canzon in lombard, 'me per esempi Ah, i donnet![1], Oimè![2], Sô de lui!, La mia canzon e Amor.
Interproget
ModifegaBibliografia
Modifega- Claudio Beretta, Letteratura dialettale milanese. Itinerario antologico-critico dalle origini ai nostri giorni, Milano 2003, Hoepli
- Ferdinando Cesare Farra, Letteratura dialettale milanese, Milano, 1952
- Ferdinando Fontana, Antologia meneghina, 1900