Bovisa
La Bovisa (IPA: [la buˈ(ʋ)iːza]; scrivuu ingualment in talian) a l'è on quarter de Milan che 'l se troeva in del Municipi 9 de la cittaa.
|
«Lassa pur che 'l mond el disa
ma Milan l'è on gran Milan |
(Giovanni D'Anzi, Lassa pur che 'l mond el disa, 1935.)
|
El quarter el ciappa el sò nòmm da ona vegia cassina d'antiga datta di Corp Sant de Porta Comasina, la Cassina Bovisa, intorna a dovè el s'è formaa on borgh agricol ch'a l'è staa, poeu, ciappaa-dent a Milan, ind el 1873. A la sò voeulta, el nòmm Bovisa el riva, probabilment, de bovi (boeu).
Stòria
ModifegaEl quarter a l'è tajaa in duu da l'itinerari di Ferrovienord in direzion nord-sud, itinerari ch'el se poeu minga traversà in machina, ma domà a piè e domà induè a gh'hinn i sora-pass de la stazion ferroviaria del quarter. Chest chì a l'è 'l motiv che, d'inquand a l'è stada costruida la ferrovia, i duu part a s'hinn desvelopaa indipendentement l'ona da l'altra.
In del quarter, al principi del '900 , subet depos la fondazion di Studi de l'Ambrosio Film de Turin, i primm d'Italia, a hinn spontaa on i primm istitutt cinematografigh cont studi aness, comè l'Armenia Film e la Milano Films, induè a hinn staa giraa i primm longh-metragg mutt comè L'Inferno. Desvelopaa comè ona zona industrala de periferia, cont el stabiliment de produzion de acid solforich, Candiani, costruii in del 1882 e diventaa poeu part del gropp chimich Montecatini.[1] A la fin del XX secul, la Bovisa la subiss ona forte descesa dovuu a la sarada di tant di industri ch'a gh'eren chì, cont ona derivada decadenza, fermada domà inquand a s'hinn descominciaa a spontaa di cantier per costruzion residenziaj e mïorià d'ona quaj struttura industriala desmettuda.
Vona di attivitaa pussee important de chesta vegia zona industriala a l'è, al dì d'incoeu, chella ligada a la presenza de ona di sed destaccaa del Politecnich de Milan. La zona a l'è divisa in duu campus universitari, chel nord per la facoltà del Design e la facoltà di Architettura (ricavaa di struttur de la ex Ceretti e Tanfani) e chel sud per Ingegnaria. Al dì d'incoeu ind el Campus Bovisa Ingegnaria a g'hinn di cors de la scoeula de Ingegnaria Industriale e dell'Informazione, cont i cors de ingegnaria mecanega, ingegnaria aerospaziala, ingegnaria energetega e ingegnaria gestionala.
In del 2006, a l'è nassuda la TBVS (acronim de Triennale BoViSa) de art moderna (design, pittura, scultura).
La granda central de produzion e stoccagg del gas de cittaa, adess desmettuda e in demolizion, ha conservaa i struttur di sò gasometer comè esempi de archeologia industriala. A l'è anmò ativa la fabrica de la Fernet Branca. Da on quaj agn, ind el quarter s'hinn insediaa i studi televisiv e i ofizz de Telelombardia.
Strapòrt
Modifega
La Bovisa a l'è servida da trii stazion: la stazion de Bovisa-Politecnich (a la convergenza di lign Milan-Saronn, Milan-Ass e 'l passant ferroviari de Milan-Ramm Bovisa, gestida da FerrovieNord), de Villapizzon (che la se troeuva longh el passant-Ramm Certosa, gestida da RFI) e del Vial Lancetti (longh el passant, gestida da RFI). La stazion de la metropolitana pussee visina a la Bovisa a l'è chella de Derghen, che la se troeuva su la linia M3.
I strapòrt locaj de la Bovisa a hinn efetuaa da autoservizzi di linia gestii da l'ATM.
Ind el quarter el se troeuva el capp-linia de la linia de tram 2, ch'el conliga el quarter al center de Milan, e 'l capp-linia de la linia de filobus 92. La linia 82, che la conliga la Bovisasca a Derghen, la va a travers al quarter.
Nòt e alter progett
Modifega