Super Nintendo Entertainment System

(Rimandad de SNES)
Lumbard ucidental Quest articol chì l'è scrivuu in lombard, grafia milanesa.

El Super Nintendo Entertainment System a l'è 'na console di videogioeugh de la Nintendo a 16 bit venduda dal 1990 al 2003 e l'ha guarnaa part del sò success anca in l'epoca di console a 32 bit grazia al mercaa di appasionaa. Gh'hann avuu particolar success in Ocident Street Fighter II: The World Warrior e in tutt el mond Super Mario World.

SNES in version giapponesa, design poeu tolt de la version europea

Storia Modifega

El NES a l'era 'na console de grand success, ma a fin agn '80, cont el nass di primm console a 16 bit 'me el TurboGrafx-16 e 'l Sega Mega Drive l'ha scominciaa a perd mercaa, e donca Nintendo l'ha desviluppaa la soa console a 16 bit. El gh'ha avuu, anca grazia al gioeugh Super Mario World, grand success prima in Giappon e poeu in tutt el mond.

In USA ed Europa, però, la gh'ha de rencorr el success de la SEGA, che riess però a superà cont ona importanta campagna pubblicitaria.

La collaborazion cont la Sony Modifega

La Sony a l'era stada ciamada in del 1988 per fà on lettor CD per la noeuva console de la Nintendo, mai tropp interessada a desviluppà periferich e lettor ottich. El primm tentativ el va mal, Nintendo la proeuva poeu cont la Philips ma la va anca mal inscì.

Riessen poeu a fà la "Play Station", progett che però l'è staa scancellaa de la Nintendo pocch prima del sortì de la console. La Sony, delusa del partner commercial, l'ha trasformaa quel progett in d'ona console soa, la PlayStation, sortida in del 1994.

Caratteristich Modifega

 
SNES american
  • CPU: Ricoh 5A22 a 16 bit con clock de 21 MHz
  • GPU cont gestion di sprite e 256 color in contemporanea
  • RAM: 64 KB
  • VRAM: 64 KB

Cartocc Modifega

  Per savenn pussee, varda l'articol Game Pak.

La cartoccia del SNES la pò vèss, vist che 'l NES indirizza al massim, 128 Mb, cioè 16 MB, de 117,75 Mb. Tipicament ona part a l'éra reservada per la RAM cont batteria tampon per i salvatagg.

 
Sora: Cartoccia americana, sotta giapponesa ed europea

I cartocc eren dotaa anca de blocch regional: I cartocc europee e giappones gh'even on design different e incompatibil cont el standard american.

A nivell digital i gioeugh PAL per l'Europa gh'even on chip per fonzionà no in sui console american o giappones: L'éra dònca ottegnuu on blocch sia fisich che elettronich.

Tra l'alter, anca se on gioeugh el fuss staa avviaa in su 'n standard different l'avaria soffert de la differenza de framerate in tra i du standard.

Periferich Modifega

La periferica pussee importanta a l'è el controller, compagn de quell del NES ma che 'l gionta anca i botton X e Y. El gh'era anca, per on quaj titol, el Super NES Mouse. Assee innovativa anca la BatterUP, ona mazza de baseball digitala.

A l'era possibil giugà ai gioeugh del Game Boy cont la cartoccia speciala Super Game Boy. Gh'era anca el modem Satellaview che 'l permetteva de descaregà gioeugh e contegnuu.

Case Modifega

 
Super Famicom Giappones
 
SNES American
 
SNES PAL
 
Super NES noeuv
 
Super Famicom Jr.
Modell SHVC-001 giappones
(1990–1998)
Modell SNS-001 american
(1991–1997)
Modell SNSP-001A PAL
(1992–1998)
SNS-101 American
(1997–1999)
Modell SHVC-101 giappones
(1998–2003)

Riferiment Modifega

Vos corelaa Modifega