Salisburgh
(Rimandad de Salisburg)
|
|
Quel articul chì l'è scrivüü in Lumbard, cun l'urtugrafia insübrica ünificada. |
Salisburgh (Salzburg in tudesch; Såizburg in bavares; Salisburgo in italian; Salzburgo in spagnö e purtughes; Salzbourg in frances; Solnohrad in cech; Soľnohrad in sluvach; Solnograd in sluven) a l'è la capital del stat austriegh del Salisburghes. Al gh'ha una pupulaziun de pressapoch 150.000 abitant. La cità a l'è famusa perchè chì a l'è nassüü el Wolfgang Amadeus Mozart.
La cità vegia in sül fiüm Salzach, vidüda de la furteza Hohensalzburg
A Salisburgh al passa el fiüm Salzach.
La cità la fa part di cità patrimoni de l'ümanità de l'UNESCO: sit interessant a hinn:
- el Palaz Mirabell (Schloss Mirabell)
- la cità vegia (Altstadt)
