Santuari de Santa Maria Bambina
|
Quest articol chì l'è scrivud in lombard, con la Noeuva Ortografia Lombarda |
El Santuari de Santa Maria Bambina l’è una gesa de Milan, in de la cità metropolitana e arcidiocesi de Milan . [1]
A l'è curiosa a nivell architetonegh perchè se po andàgh dent domà de l'ingress de 'n palazzi, quell di Moneghe de la Carità [2][3]: quella roba chi l'è comuna cont i gese milanese de Mater Amabilis e de San Gabriell Arcangiol..[4]
Storia
ModifegaEl santuari el se troeuva indove gh’era la veggia gesa del Cinchcent de Sant Apollinar, pœu deconsacrada a la fin del secol XVIII e doperada per di mester civil: la Bambina Maria a l'è un simulacher fad de la Chiara Isabella Fornari per l'Alberico Simone, che l'era vun di pretendent al titol de vescov de Com [2] e che 'l s'era retirad del 1738 per di grev problema de salut e, rivad a Milan, ghe l'hann donad prima al sacerdot de la gesa de San March e, infin, del 1842 ai moneghe. [1]
La statueta l'è mituda del setember 1884 in l'infermaria del monester dopo che l'ha domandad una monega malada e 'l vot de setember la novizzia Giulia Macario, obligada in lecc per un incident, la guariss dopo havélla basada, roba che ghe dà fama miracolosa a lee. [1]
El grand desideri de la popolazzion de onorarla l'ha portad i moneghe a fà de l'infermaria un santuari del 1800 [2], che l’è destrugad di bombardament de Milan del 1943: la se salva domà la Madonina, portada in del leches. [1]
Quand che 'l conflit l'è finid el Cardinal Schuster ghe dà al Giovanni Muzio l'incaregh de tirà su an'mò el santuari che l'è vert ancamò del 1953, con dent anca di decorazzion salvade del vegg monesteri. [1]
El 4 november 1984 l’è stad visitad del Giovann Paol II per i cent agn del miracol, roba regordada de una targa a l'ingress. [3]
Architetura
ModifegaDe fœura, la gesa la gh'ha un portal neoclassegh, che 'l resta de la gesa de prima e del che se po minga andàgh denter. [1] L'entrada, che la se fa de la cort di Moneghe de Carità, la mena a una faciada a vela recoverta de marmor colorad, de indove ‘l se po andà dent in del santuari. [1]
Dedent gh'è di piture del Luigi Filocamo e del Silvio Consadori, menter i mosaich inn de l'Achille Funi. [1]
Riferiment
Modifega- ↑ 1,0 1,1 1,2 1,3 1,4 1,5 1,6 1,7 Roberto Arsuffi. it-IT Milano | Santa Sofia - Maria Bambina: la piccola chiesa di Muzio. 2020-01-22. URL consultad in data 2024-08-27.
- ↑ 2,0 2,1 2,2 it-IT Luoghi significativi Santuario di Milano | Congregazione Suore di Carità. URL consultad in data 2024-08-27.
- ↑ 3,0 3,1 (IT) Chiesa in uscita. Da Milano al mondo: Maria Bambina, culto senza frontiere. 2023-08-25. URL consultad in data 2024-08-27.
- ↑ it-IT Il sogno di Montini diventato realtà: una chiesa in ogni quartiere – Chiesa di Milano. URL consultad in data 2024-08-27.
Alter proget
Modifega
Wikimedia Commons el gh'ha dent imagin o alter archivi su Santuari de Maria Bambina
