Sarcococca confusa

Quest articol chì l'è scrivuu in lombard, grafia milanesa.

La Sarcococca confusa, a l’è ona specie de pianta angiospèrma de la famiglia di bruxacei, e l’è probabil che la sia originaria de la Cina occidentàl. A l’è on arbùst semperverd alt fin a 2 meter e largh fin a vun, con di foeuj verd sberlusént ovàl e profumàa de mel, di fior bianch d’invèrna che orìginen di frutt sferich négher sberlusént, che gh’hànn on diametro de 5 mm.

Sarcococca confusa
occ.: sarcocòcca confusa or.: sarcocòcca confusa
Sarcococca humilis
Classifigazion sientífiga
Regn: Plantae Division: Magnoliophyta Clas: Magnoliopsida Ùrden: Buxales Famìa: Bruxaceae Zèner: Sarcococca Spéce: Sarcococca confusa
Nomm binomial
Sarcococca confusa Sealy

A l’è on arbùst molto adattàbil e fàcil de vèss coltivàa in tanti situazión, comprésa l’ombrìa totàl e cont el soeul ùmed. A l’è tuttamàch 'na pian ta bona de cress al sol tucc el dì ancabén el sò fojàmm el sbiadìssa on poo. El soeul el gh’hà de vèss mantegnùu ùmed se la ven coltivada al sol o a l’ombrìa parziàl. Quèll arbust chì el butta i fior in del mèzz de l’invèrna cont on profùmm deliziós. I borlìtt négher piscinìtt vegnen mangià di usèj ch’en spanteghen la somenza.