Sbrisolòna
La sbrisolòna (ciamada anca sbrisulòna, sbrisolìna, sbrisulùsa o sbrisulàda) a l'è on dolz del Nord Italia, originari de la cittaa de Mantoa[1], e a l'è comunement faa e consumaa in Lombardia, Emilia-Romagna e in de la Provincia de Verona.
| Sbrisolòna | |
|---|---|
 | |
| Origen | |
| Alter nòmm | sbrisulùsa, rosegòtta |
| Pòst d'origen |  Italia |
| Region | Lombardia |
| Area de produzion | Mantova e provincia |
| Dettaj | |
| Categoria | dolz |
| Reconossiment | P.A.T. |
| Ingredient principaj | farina gialda, farina bianca, armandoj, zuccher, butter, oeuf, pell de limon. |
El nòmm el riva dal nòmm brìsa, che in dialett mantovan el voeur dì freguja, e par che la rizetta a l'è de prima del '600, inquand a l'è rivada anca a la cort di Gonzaga.
La sbrisolòna a l'è ona torta de origen pòvera: al principi infatt, i ingredient a eren chei tipici de la tradizion contadina (farina de formenton, strutt e niscioeul) ma, poeu nel cors di agn, a s'hinn raffinaa. La rizetta incoeu la voeur che i farinn (bianca e gialda) e 'l zuccher sarissen in part inguaa, e proppi per chesta rason chì, in passaa, chest dolz chì a l'era proppi ciamaa "tort di trii tazz". Oltra, i ingrendient gh'hann minga de vess maseraa e, anzi, la robba pussee caratteristega de la sbrisolòna a l'è proppi la sò consistenza minga regolara, dovuda a la lavorazion svelta e al taj grossolan di armandoj.
La se destingu da alter preparazion, proppi per el metod de lavorazion e per comè la vegn servida: infatt, chest dolz chì el se taja minga in fett regolar, ma 'l gh'ha de vess spezzaa cont i man. A l'è tradizion majà la torta bagnandola cont la grappa. El se consilia de compagnàlla cont on quai vin liquoros comè la Malvasia, el Vin Sant putost che 'l Passii de Pantelleria.
In Veneto, la vegn comunement ciamada anca "rosegòtta" e "fregolòtta", termen chest'ultem che indica anca on'altra torta simil comè.
Nòt e alter progett
Modifega- ↑ Elenco dei prodotti agroalimentari tradizionali della regione Lombardia. Agricoltura.regione.lombardia.it, 22 aprile 2010. URL consultad in data 20 gennaio 2013.
Wikizzionari el gh'ha dent el lema de dizzionari «Sbrisolòna»
Wikimedia Commons el gh'ha dent imagin o alter archivi su Sbrisolòna
Bibliografi
Modifega- Gino Brunetti (a cura di), Cucina mantovana di principi e di popolo. Testi antichi e ricette tradizionali, Mantova, 1981. (ISBN miga dispunìbil).