Scoeula de Chicago
La scoeula de Chicago a l'è 'na scoeula de pensee economega nassuda a l'Università de Chicago, fondada in su la promozion de la trasformazion de la società in sens liberista, cont el recognossiment de l'intervent del Stat in l'economia domà in di situazion particolar.
I sò esponent pussee important a hinn staa el Milton Friedman e 'l George Stigler e i sò sostenitor a hinn ciamaa anca neoliberista. Han influenzaa i politegh del governo american del Ronald Reagan e del governo ingles de la Margaret Thatcher e i sò student sudamerican, i inscì ciamaa Chicago Boys, han lavoraa in Cile insemma al tecnegh José Piñera, minister de l'economia, per rivà al miracol del Cile, durant del governo de l'Augusto Pinochet.