Seda

Quest articol chì l'è scrivuu in lombard, grafia milanesa.

La seda l'è ona fibra proteica d'ona bestia con la qual se poeuden otegnì di tessuu che de solet hinn putost pregiaa.
La seda l'è fada su de on quai insett de l'orden di lepidotter, opur di ragn. La seda doperada per fà su di tessuu la se otegn de la galletta di bigatt (che partegnen soratutt a la fameja di Bombyx mori). Certi voeult vegnen doperaa anca di speci de la fameja di Saturnidae.

Quella de la seda l'è stada vuna di primm industri italiann, e l'è stada vun di coeur de l'economia lombarda (per esempi quella brianzoeula) per tanti secoi.

On bigatt e la soa galletta.

El nomm

La parolla seda la riva del latin popolar sēta, derivazion del classegh sæta (che 'l voeur dì pel de porscell). La parolla latina classega però l'è "sericum", che 'l ven doperaa anca 'me agettiv colt.
"Seda" el troeuvom anca in tanti alter lengov romanz (italian seta, frances soie, spagnoeu, catalan e portoghes seda, sicilian sita, forlan sede).