Sega Master System

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

El Sega Master System a l'è stada 'na console venduda in Giappon dal 1985 e in del rest del mond dal 1987, a 8 bit e fondada in su cartocc.

Successor dirett del SG-1000 l'era in competizion cont el Famicom de la Nintendo. In Brasil el gh'ha avuu grand success anca intorna al 2000.

Storia

Sortida in Giappon 'me Sega Mark III, l'éra desviluppada in competizion cont el NES 'me evoluzion hardware del SG-1000 II. El sistema a l'è staa no on gran success, cont on milion de unità venduu.

Foeura del Giappon a l'éra venduda cont on noeuv design ma cont identich prestazion. L'éra cont Safari Hunt, gioeugh cont la pistola ottica, e cont Hang-On.

Master System II

El success a l'è staa no però quell speraa, el rappòrt de vendita in tra Master System e NES a l'éra de 1 a 16. Donca la SEGA l'ha faa, in del 1990, ona version pussee moderna del sistema, el Master System II, senza el support ai Sega Card e con dent Alex Kidd in Miracle World o Sonic the Hedgehog.

La dismission

L'hardware de la console a l'è staa doperaa per fà el Game Gear, console in competizion cont el Game Boy.

A l'è stada desmettuda domà in del 1996, cont el rivà del Sega Saturn.

El success in Brasil

In Brasil la console el gh'ha avuu on gran success, grazia a 'n accord cont Tectoy. On bel poo de gioeugh a hinn staa voltaa in portoghes, anca cont di adattament colturaj.

El gh'ha avuu success finna al 2000, cont di vendit finna ai agn 2010.

Caratteristich

CPU: Zilog Z80
ROM: 8 KB
RAM: 8 KB
VRAM: 16 KB
GPU: Derivada del Texas Instruments TMS9918
Son: Texas Instruments SN76489
Port: 1 slot per cartocc e 1 per Sega Card