Segunda Tessalunices Capitel Trii
|
|
Quel articul chì l'è scrivüü in Lumbard, cun l'urtugrafia insübrica ünificada. |
Prima Tessalunices
ModifegaLa Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.
Capitel Trii
Modifega1Del rest, fradèj, preghee per nümm, che la parola del Signúr la curr e la sia dada gloria cumè l'è anca cun vialter, 2e che sium liberaa di vèss üman ingiüst e malign, già che tücc gh'hann minga la féd. 3E 'l Signúr l'è fedél, el qual el ve fissa e 'l fa la vardia sü vialter del malign. 4E sèmm cunvinciüü in del Signúr sü vialter, che i coss che v'èmm cumandaa ghe fii e ghe farii.
5E 'l faga drizz el Signúr i voster cör al bén de Diu e a la perseveranza de Crist.
6E ve cumandum, fradèj, in del nomm del Signúr Gesü Crist, de tegnìv luntan d'ogni fradèll che 'l camina zavajamént[1] e no segund la tradiziún[2] che avii ricevüü de nümm. 7Già che vialter medemm savii cumè gh'avii de imitàmm, perchè serum minga zavaj intra vialter, 8né èmm mangiaa gratis el pan de nigün, ma èmm lavuraa in del travaj e struzi nocc e dì per no vèss un pés sü quajdün de vialter; 9no perchè gh'èmm minga l'auturitaa[3], ma perchè ve dagum nümm medemm cumè un esempi d'imitàmm. 10Già che anca quand serum cun vialter, v'èmm cumandaa chèst, che se quajdün el vör minga lavurà, el mangiarìa no. 11Già che sentum che quij de vialter caminen zavaj, lavurand no, ma ucüpandus di coss svöj; 12e cumandum a taj personn e j'esurtum in del Signúr Gesü Crist, a lavurà in de silenzi e inscì mangià el propi pan. 13Ma vialter, fradèj, devegnarìuv no strach intanta che fii el bén. 14E se quajdün l'übed[4] no la nostra parola in de chèsta letera, marchee chèsta persona a slambrutà[5] insèma cun lü, perchè 'l se porta vergogna; 15ma cunsidereel no cumè un nemìs, ma viseel cumè un fradèll.
16E 'l ve daga el Signúr de la pas medemm la pas semper in d'ogni manéra. El sia el Signúr cun vialter.
17El salüd l'è de mia man--de Paül, che l'è un sègn in d'ogni letera: inscì mì scrivi. 18La grazia del noster Signúr Gesü Crist la sia cun tücc vialter.