Prima Timotee Capitel Vün

Quel articul chì l'è scrivüü in Lumbard, cun l'urtugrafia insübrica ünificada.

Prima Timotee

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Vün

¹Paul, un apostul del Crist Gesü segund el cumandamént de Diu, el noster Salvadúr, e Crist Gesü, la nostra speranza, ²a Timotee, el bagaj sincér in de la féd: grazia, misericordia, pas de Diu Pader e Crist Gesü el noster Signúr.
³Cuma t'huu dumandaa a restà a Efes intanta che vuu in de la Macedonia, perchè te urdinet a quij d'insegnà no un'altra roba ⁴né dà atenziún a mit e genealugì sénza fin, che ufren vann discüssiún inscambi de la direziún de Diu che l'è in de la féd. ⁵E la fin del cumandamént l'è bén d'un nètt cör, d'una bona cusciènza e de la féd sénza ipucrisia, ⁶di quij quij hinn deviaa e giraa via al parlà svöj, ⁷vurend vèss insegnant de la lég, menter capen no né i coss che disen né sü i quij dann cunferma furtamént.
⁸Ma savèmm che la lég l'è bona, se quajdün el la duvra legalamént, ⁹se te see chèst, che la lèg l'è stabilida no per el giüst, quij che hinn sénza lég e no sutamess, sénza Diu e pecadúr, impi e prufann, patricid e matricid, assassìtt, ¹⁰furnegadúr, umusessüaj, mercant di s'ciav, büsard, spergiür, e quajcoss'alter che s'è upost a insegnamént san, ¹¹segund el vangel de la gloria de Diu beatt, cunt el qual mì sun staa fidaa.
¹²Gh'huu favúr per Crist Gesü 'l noster Signúr che 'l m'ha daa forza, perchè 'l m'ha cunsideraa fedél, despö che 'l m'ha metüü in del ministéri ¹³ancabén prima seri un biastemadúr, persegütadúr e pügnaladur, ma huu ricevüü misericordia, perchè, già che seri ignurant, i huu faa in d'infedeltaa; ¹⁴e la grazia del noster Signúr l'è stada tant granda cun féd e bén che l'è in del Crist Gesü. ¹⁵La parola l'è fedéla e dègna de tüta acetaziún, che 'l Crist Gesü l'è vegnüü in del mund per salvà pecadúr, di quij sun mì primm. ¹⁶Ma per chèst huu ricevüü misericordia, perchè 'l Crist Gesü el dimustra tüta la paziénza in de mì primm cuma un esempi de quij che credarànn in de lü a la vita etèrna. ¹⁷E al rè di sècuj, el sull Diu imurtal e invisibil, unúr e gloria in di sècuj di sècuj. Amén.
¹⁸Meti prima de tì chèst cumandamént, bagaj Timotee, segund i prufezì che menen la via per tì, perchè te cumbatet in de lur la bona lota ¹⁹menter te gh'hee féd e bona cusciènza, che quij, perchè i hann rüzaa via, hinn naufragaa sü la féd, ²⁰di quij hinn Imenee e Alessander, che huu cunsegnaa a Satana, perchè sien istrüii a biastemà no.

Navigaziun

• ← Indree a Segunda Tessalunices Capitel Trii
• Inanz a Capitel Düü →
• A l'indes