Selezzion del folball de la Sicilia
|
Quest articol chì l'è scrivud in lombard, con la Noeuva Ortografia Lombarda |
La Selezzion del folball de la Sicilia (Sèlezziuni di palluni di Sicilia in sicilian) a l'è la selezzion che la representa la Sicilia in del folball. Desgià che l'isola mediterranea a l'è no un Stat sovran, la fa no part de la UEFA o de la FIFA, ma la toeu part a la CONIFA, che la representa varie minoranze, nazzion senza Stat o comunità nazzionai. Fondada in del 2020, l'è gestida de la Sicilia Football Association e 'l so mister a l'è el Giovanni Marchese, vegg sgiugador del Catania.
El so stema l'è fondad in su la Bandera del Vesper, che l'è compagna de quella de la Region Siciliana ma cont i color invers. La dopera trè maje:
- Vèspiru: rossa e sgialda con la Trinacria
- Fidiricu: bianca con quater bande rosse e sgialde cont un'aquila, in onor de la bandera del Regn de Sicilia del Federigh III de Sicilia
- Ruggeru: bloeu cont una banda rossa e bianca a scach, in onor del Rugee II de Sicilia
Riferiment
Modifega- Sicily | CONIFA Archiviad chi: [1]