Sinistra Italiana
| Sinistra Italiana | |
|---|---|
 | |
| President | Laura Lauri |
| Segretare | Nicola Frantoianni |
| Stat |  Italia |
| Fondazion | 19 de febrar del 2017 |
| Ideolojia | Socialdemocrazia |
| Collocazion | sinistra |
| Coalizion | Lianza Verd e Sinistra (2022) |
| Inscrivids | 19'346 (2017) |
| Color | ross |
| $fine | |
Sinistra Italiana l'è 'n partii politegh nasuu in del november del 2015 a la Cambra di Deputaa e in del magg del 2016 al Senad de la Republica e che 'l recoeuj i parlamentar de Sinistra Ecologia e Libertà e di sortii dal Partii Democrategh e dal Moviment 5 Stell. I gh'ha 'me giornal Left.
Ai elezion amministrativ del 2016 l'ha elegiuu el candidaa a Roma Stefano Fassina in del Consili cont el 4,5%, a Milan l'ha sostegnuu el Giusepp Sala e l'ha ciappaa 2 consijee cont el 4%, a Napoli han candidaa el Luigi de Magistris che l'ha vengiuu al ballottagg cont el 66%, a Cagliari el center-sinistra unii l'ha faa vinc el Massimo Zedda, a Bologna inveci cont el 7% han elegiuu 2 consiliee, foeura de la coalizion del Virginio Merola. Important anca el resultaa a Sesto Fiorentino, indova el sò candidaa l'ha batuu quell del PD.
Al referendum abrogativ del 2016 in Italia han sostegnuu el Sì, a quell costituzional el No, per pagura che 'l combinaa dispost in tra l'Italicum e 'l bicameralism imperfett l'avaria scassaa la differenza in tra el poder esecutiv e 'l poder legislativ.
L'ha faa el sò Congress fondativ el 19 de febrar del 2017 e ha elegiuu secretari el Nicola Fantoianni. El vegg leader Arturo Scotto l'ha seguii i scissionista del Partii Democrategh per andà dent in del Moviment Democrategh e Progressista.
A dicember 2017 l'ha tolt part a la coalizion Liber e Inguai, de sinistra alternativa al PD e guidada del Pietro Grasso.