Sistema Bismarck
El Sistema Bismarck a l'è 'n sistema sanitari fondaa in su di cass malaa che hinn pagaa di sò contributor e che paghen i cur ai malaa in di istituzion sanitari che pòden vess del Stat, de 'n quaj ent local o privaa. 'Sto sistema a l'è staa istituii de l'Otto von Bismarck in del 1883 e 'l ligava el dirizz a la salut a la condizion de vess di lavorent o di familiar de 'n lavorent. De l'istituzion di primm sistema Beveridge in di agn '40, che ligaven la salut al vess di cittadin, la pupart di sistema Bismarck l'è deventada 'na sanità universala.
Incoeu i sistema Bismarck pussee famos a hinn in Germania, Austria, Cechia e Svizzera, con la Corea del Sud e i Pajes Bass che gh'hann on nivell minim de assistenza dada del Stat ma cont on ampi settor privaa in di ospedaa e in di sigurazion, che donca ja rend on sistema intermedi in tra el Bismarck e 'l sistema de sigurazion nazionala.
Per l'Euro Health Consumer Index i sistema Bismarck tenden a 'vègh di resultaa pussee boni di alter sistema, soratutt in l'accessibilità e in la qualità, grazia a la concorrenza in tra i istituzion.