Lumbard ucidental Quest articol chì l'è scrivuu in lombard, grafia milanesa.
On spegg che l'è dree a riflett on ogett.

El spegg l'è ona superfis (de veder) che l'è assee lucida de fà riflett i robb.
Quell pussee doperaa l'è 'l spegg pian, ma ghe n'è anca tanti alter, che poeuden vess doperaa per tanti reson diferent, per esempi:

  • Vardàss in cera, controllà el proppi aspett (anca intant che se se pettena, se trucca...).
  • Fà su strument ottegh.
  • In di vettur, controllà la strada e quell che ghe suced dedree de numm.

El nommModifiché

La parolla spegg la riva del latin speculum, con l'istess significaa (ligaa al verb spicĕre, che 'l voeur dì "vardà"). El termen l'è comun anca a tanti alter lengov romanz (italian specchio, spagnoeu espello, sardegnoeu isprigu, forlan spieli...); del latin el s'è spantegaa in basch (ispilu) e, in temp antigh, anca in d'ona quai lengua germanega (cf. todesch e olandes spiegel, danes spejl, norveges spegel...) e de lì anca in alter lenguagg europei (finlandes peili, eston peegel, letton spoguli).