Strada provincial 91 de la Vall Calepi

Quest articol chì l'è scrivud in lombard, con la Noeuva Ortografia Lombarda

La strada provincial 91 de la Vall Calepi a l'è un important ass de comunegazzion in tra l'hinterland bergamasch e la banda orientala de la provincia de Berghem.

Strada provincial 91 de la Vall Calepi
Localizazion
Stat	Italia
Rejon	Lombardia
Province	Berghem
Dats
Classifegazion	strada provincial
Principi	Alban
Fin	Sàrnech
Lungeza	17,3 km

Percors

L'origena del vegg traciad de la SP ex SS 42 a Alban Sant'Alissant e la seguta vers est indova che la passa per la zona industriala de San Paol d'Argon e l'interseca la provinciala 82 in de la zona ocidentala de Montell. In center a Montell a gh'è un trat in comun con la provinciala 89 de la Vall Cavallina. Poeu la toca de sud Gorlagh e la riva a Carobe. Passad Carobe, la va denter in Ciudun.

Sortida de Ciudun, la passa per Groeumell, ma l'è minga possibel segutà in center. In direzzion de Sarnegh la fa un trat in comun con la SP 86 e la gira a manzina in via Nembrini, in via Don Lazzari e poeu in via San Sir. La gira a drizza in piazza Camozzi e la seguta drizz in via Nicolai, che la vegn via Seriole. La gira a manzina in via Brescia (SP85) e a la redonda la se conliga cont el traciad che 'l va in de la direzzion oposta, un retilinee in center al paes de Groeumell ciamad via Roma.

Dop de Groeumell la va denter in Tajun e in sul confin la se troeuva el prim placard con la progressiva chilometrega, con l'indegazzion del decim chilometer. La seguta per du chilometer in de la frazzion Tajun indova che l'incontra la SP 84 e la SP 83.

La va denter in Calepi e la passa a nord del borgh antigh, in corrispondenza del rilevament chilometregh 13. Al 15° chilometer la va denter in Creder e l'incontra la SP 82 che la mena a Gandoss. La passa per Villongh e l'incontra la SP 79 in direzzion Adrara e San Ferm.

De Villongh la va sgiò vers Sarnegh e la finiss in d'una redonda indova la passa la SP ex SS 469.