Strada statal 415 de Paù

Quest articol chì l'è scrivud in lombard, con la Noeuva Ortografia Lombarda

La Strada statal 415 de Paù a l'è 'na strada statal d'Italia de proprietà de ANAS ma gestida localment, intregament in Lombardia e che la conliga Milan al cremasch, a travers de Paù, e per quella reson chi a l'è 'n arteria propi important per la Lombardia centrala.

Mapa de la strada

Longa 71 km, l'è verta in part del 1963 e fornida in del 1965: del 2001 a l'è delegada a la Region Lombardia, che l'ha devolud la gestion ai Province. In su la trata milanesa e lodesana a l'è segnalada 'me "ex SS 415", menter in su quella cremonesa per la pupart 'me "SS 415". In del 2017 la Lombardia e ANAS hann firmad un pat per fà su 'na noeuva società regionala de gestion di strade, compresa la 415.

A l'è stada 'na strada cont una mota de criticità: l'incros con la strada Castiglion-Montoden l'ha vist una mota d'incident e l'è stad poeu modifegad, l'incros, arent a Dovera, con la Bergamina, l'è stad per un poo in tra i pussee a ris'c de incident, prima che 'l fuss sostituid de 'n rondò in del 1967. 'N oltra scerna grama a l'è stada quella de 'na terza corsia messedada per el sorpass, despess scenari per incident mortai, abolida in del 1968.

Riferiment

• Strad italian

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Strada statal 415 de Paù