Stranglehold
|
Quest articol chì l'è scrivud in lombard, con la Noeuva Ortografia Lombarda |
Stranglehold o (John Woo Presenta Stranglehold a l’è on video-sgioeugh in terza persona svilupad de la Midway Games (Chigago Studios), per la PlayStation 3, l’Xbox 360 e Windows. La Midway Games la droeuva l'Unreal Engine 3.0 in del sgioeugh per la prima volta, a l’è stad svilupad con la collaborazzion del John Woo[1] 'me seguit del film Hard Boiled. El sgioeugh a l’è stad svilupad de la Midway Chicago a partì del 2005 e publicad el 5 de setember del 2007 per Xbox 360, per Windows el 19 de setember del 2007 e inveci per la PlayStation 3 de poeu d'on frach de ritard a l’è stata confermada la data de publicazzion per el 29 de otober del 2007.
El protagonista del sgioeugh l’è modellad sora l’ator cines Chow Yun-Fat[2].
Trama
ModifegaLa trama la comenza a Hong Kong, 'dove on che poler el scompariss misteriosament. El dipartiment de polizzia el squisa sora la scomparida fin al rivà d'ona telefonada d’ona persona conossuda de nissun che la sa quell che l’è sucess e 'l par che la domandi on riscat. La ricesta de quei che i hann portad via el poler la se troeuva in d'on caton d’on mercad in de la zità murada de Kowloon. L'ispetor Tequila el decid de portàss lilinscì in deperlù e de lì adree a Hong Kong e Chicago la gh'ha origin ona lota senza pietà contra del Damon Zakarov, cap de la mafia russa, e del Wong, cap de la mafia cinesa, che i gh'hann dad l'inviada a ona guerra feroce per el controll de la ligera di do enormi zità.
Tequila Time
ModifegaEl vantagg de l'ispetor Tequila l’è la velocità. De fat a schiscià on sproch lù el rallenta el mond intorna a lù, e l'oten on una mira perfeta e ona agilità unica. In del sgioeugh a l’è bon de destrugà tut quell che'l ved, tant i insegne ‘me colone de preja.[3] El Tequila time el se esaurìss a drovàll ma el s’insegnera col temp o anca cont el fà di mazzament con stil.
Collector's Edition
ModifegaLa Midway l’ha prodot la Collector's Edition del sgioeugh per i consoll de noeuva sgenerazzion.[4]
La version per la PlayStation 3 la gh’ha denter el film Hard Boiled del John Woo tut rimasterizad in alta definizzion: però in realtà la compar la version del film pussee recenta del DVD (dent in de la scatola del sgioeugh a gh’è ona fotografia del DVD). Inveci la Collector's Edition di Xbox 360 la gh’ha semper dent i stess extra, via che ‘l film e ‘l design del sgioeugh.[4]
Curiosità
Modifega- In del livell del museo, de precis a la fin, quand che ‘l Tequila el manda di messagg col telefonin, se pò notà ona citazzion d’on film del John Woo, o ben la risposta "bullet in the head".
- On quai sfond, di ambient de sgioeugh, a l’è frut dell'ilustrador Stephan Martinière.
Note
Modifega- ↑ (EN) Ellie Gibson. «John Woo to direct game». Eurogamer, 20 maggio 2005. Vardad in data 2 settembre 2021.
- ↑ (EN) Stranglehold. URL consultad in data 2 settembre 2021. (arqiviad de l'url orijenal in data 26 settembre 2007)
- ↑ Will Tuttle. (EN) Stranglehold Review (Xbox 360). 4 settembre 2007. URL consultad in data 2 settembre 2021. (arqiviad de l'url orijenal in data 6 settembre 2007)
- ↑ 4,0 4,1 (EN) Andrew Hayward. «Stranglehold: Collector's Edition Unveiled for 360». 1UP.com, 20 giugno 2007. Vardad in data 2 settembre 2021.