Teater roman de Milan

Quest articol chì l'è scrivud in lombard, con la Noeuva Ortografia Lombarda

El teater roman de Milan a l'era l'antigh teater de Mediolanum. Fad su al temp de August, a l'è stada la prima gran oeuvera di Roman in la cità, 'me part de un pian per fà di oeuvere in muradura compagne del for: l'è stad doperad 'me teater fina al secol IV o V, quand che cont i edit del Teodos e 'l cresser de poder de la Gesa i sgioeugh e i representazzion a inn fade semper pussee de rari.

I rest del teater al Palazz Turaa

A l'è stad doperad poeu di autorità del liber comun per i reunion del Senad de la cità, e 'me la pupart de quell che gh'era a l'è stad destrugad del Barbarossa del 1162. In su quell che ghe restava l'è stada fada su la Gesa de San Vitor di Legnamer, che l'è stada trada sgiò del 1911, ma ghe lassa incoeu el nom a la via.

Riferiment

• Camera di Commercio

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Teater roman de Milan