Gesa de San Vitor di Legnamer
|
Quest articol chì l'è scrivud in lombard, con la Noeuva Ortografia Lombarda |
|
«Te scrivi rabbiôs, Carlin, dal mè stanzin depos al campanin de San Vittor di Legnamee.»
|
La Gesa de San Vitor di Legnamer (italian: San Vittore al Teatro, on temp voltad anca 'me San Vittore dei Legnamari) l'era vuna di ges catolegh del center de Milan.
Storia
ModifegaLa tradizzion la diseva che l'eva stada fada de San Galdin, che l'ha dedicad la gesa a San Vitor. La gesa la se trovava arent al vegg teater roman, là indove se diseva che San Vitor el s'era scondud ai temp de la persecuzzion. La gesa l'è citada comè capella a la fin del secol XIV: un para de secol adree, l'è regordada tant 'me vuna di tanti paroqui del sester de Porta Verzellina.
Segond un dessegn del 1605, la gesa la gh'haveva una forma retangolar, spartida in tre navad. El presbiteri l'era rialzad, e protesgiud de 'na balaustra che la gh'haveva l'istessa forma semi-circolar de l'absida; a gh'era poeu do capell in su la banda de manzina, dedree a l'altar.
In del 1621 la gesa l'è stada refada cont un proget del Richin: questa strutura noeuva la gh'haveva domà una navada, e scinch capell.
In del 1787 la paroquia l'è stada sopressa, e tacada a quella de Santa Maria Secreta. L'edifizzi l'è stad poeu trad sgiò in del 1911.