Temperadura pseudopotenzial

Quest articol chì l'è scrivuu in lombard, grafia milanesa.

La temperadura pseudopotenzial (o temperadura potenzial equivalent) a l’è la temperdura che ‘na massa d’aria ùmeda misa a la quòta z (a la quàl la pression atmosferega l'è P) l’avarìss se la fudèss menada travèrs on procèss adiabategh fin a al quòta teòrica indoe tutt el vapore de acqua che la gh’hà denter l’è condensàa e poeu, da quèlla quòta là, travèrs on procèss adiabategh sècch fin a la quòta indoe la pression a l’è 1000hPa. La temperadura pseudo potenzial la gh’hà on significaa compagn de quèll de la temperadura potenzial ma in quèll caso chì per l’aria ùmeda.

Formola

La temperadura pseudopotenzial $\theta _{\mathrm {e} }$ (temperadura assoluda in Kelvin) la pò vèss calcolada d’ona menera compagna de quèlla de calcolà la temperadura potenzial ma cont el doperà la temperadura equivalenta inveci de quèlla reàl.  :

$\theta _{\mathrm {e} }=T_{\mathrm {e} }\left({\frac {P_{0}}{P}}\right)^{\frac {R}{c_{\mathrm {p} }}}=T_{\mathrm {e} }\left({\frac {1000\;\mathrm {hPa} }{P}}\right)^{k}$

indoe $T_{\mathrm {e} }\approx T+{\frac {L_{\mathrm {v} }}{c_{\mathrm {p} }}}r$

$\theta _{\mathrm {e} }\approx \left(T+{\frac {L_{\mathrm {v} }}{c_{\mathrm {p} }}}r\right)\left({\frac {1000\;\mathrm {hPa} }{P}}\right)^{k}$

Con :

• $T_{\mathrm {e} }$ = temperadura equivalenta (temperadura assoluda in Kelvin)
• $P$ = pression
• $P_{0}$ = pression de riferiment standard (1000 hPa)
• $R=c_{\mathrm {p} }-c_{\mathrm {v} }$ = costanta di gas per l’aria sècca second l’equazion de stat di gas perfètt; R=287 J/Kg K
• $c_{\mathrm {p} }$ = calor specifich de l’aria a pression costanta (1004 J/kg•K)
• $c_{\mathrm {v} }={5 \over 7}c_{\mathrm {p} }$ = calor specifich de l’aria a volùmm costant
• $k$ = $R$/$c_{\mathrm {p} }={2 \over 7}\approx 0,286$
• T = temperadura de l’aria reàl de l’ambient al livèll che la soa pression atmosferega l’è P
• r = rappòrt de mes'cianza del vapor de acqua (g/kg)
• $L_{\mathrm {v} }$ : coefficient de calor sconduu de svaporament (de 2400 kJ/kg a 25°C a 2600kJ/kg a -40°C).

Vos correlaa

• Instabilità atmosferega