Tortionada
|
Quest articol chì l'è scrivud in lombard, con la Noeuva Ortografia Lombarda |
La tortionada a l'è una torta tipega de la cità de Lod, recognossuda del Ministeri 'me prodot agroalimentar tradizzional italian.
| Tortionada | |
|---|---|
 | |
| Origen | |
| Pòst d'origen |  Italia |
| Region | Lombardia |
| Creaa de | Carlo Tacchinardi |
| Area de produzion | Lod |
| Dettaj | |
| Categoria | dolz |
| Reconossiment | P.A.T. |
| Settor | Paste fresche e prodot de la prestineria, de la biscoteria, de l'ofeleria e del la confetaria |
| Ingredient principaj |
|
Arenta a la pussee cognossuda sbrisolona, la diferenza la pussee granda a l'è che la gh'è minga la farina sgialda in di ingredient.
La saria nassuda in la prima mità del 1800, per man de l'ofeler Carlo Tacchinardi, che l'ha dad la rizeta ai fioeui Giovanni e Gaetano. El saria stad, per la tradizzion, Alessandro, fioeul de Gaetano, a dàgh el nom, sgioeugh de parolle fondad in su "torta io nato", cioè "torta quand che mi son nassud", e a deposità el marchi in del 1885.
Riceta
ModifegaIngredient
Modifega- 150 g de armandole sgiamò pelade
- 150 g de zucher
- 150 g de buter
- 300 g de farina bianca
- 1 ross de l'oeuv
- 1 limon
- Una bustina de levad chimegh (facoltativa)
- Zucher al vel quant che l'è assee
- Sal quant che l'è assee
Procedura
Modifega- Fà scoldà i armandole in del forn a 180⁰, o anca in padella, per un quaj menut e poeu tritàj dopo havéj fà deventà fregg
- Sgiontà in d'un baslot el buter, fad deventà morbed, el zucher, el ross de l'oeuv, la farina cont el levad (se 'l se met), la scorza gratada de 'n limon e 'n zich de sal
- Messedà tusscoss cont un cugiar e poeu mes'cià a man fina a otegnì un panet
- Meter el panet in d'un stamp e metél a livell cont un cugiar
- Fà cont un piron di taj in su la superfìs
- Cusinà in del forn a 180º per 40 menut