Lumbard ucidental Quest articol chì l'è scrivuu in lombard, grafia milanesa.

El Translohr a l'è on sistema de tram su gomma faa de la Lohr, società per el 51% de la Alstom e per el 49% del Stat franzes.

Tram de Venezia

Descrizion Modifega

 
Schema di roeud

El sistema a l'è pussee vesin a on tram, cont ona rodaia centrala che ghe scorren su i roeud de scorriment.

La trazion a l'è dada di roeud tradizionai, cont el sistema ABS.

El binari unich del sistema el preved la possibilità de avègh di scambi, sia rigid faa cont on binari unich sia normai e di incros, cont ona piattaforma che la gira a segonda de la direzion del tram.

Red Modifega

El Translohr a l'è doperaa in Franza in la red di tram de Clermont-Ferrand e in su 'na quaj linia de la red di tram de l'Île de France.

In Veneto sia Venezia sia Padova doperen 'sto sistema.

In Cina la red de Tianjin e de Shanghai la dopera 'sto sistema.

In Colombia la red di tram de Medellin la dopera i Translohr.

Critich Modifega

 
Binari

El sistema el gh'ha avuu di critich: De on lato per el facc che cont el lavorà per mett on Translohr se pò mett anca on tram tradizional, pussee capient. A l'è stada despess anca denonziada la pericolosità del binari, pussee pericolos de quell tradizional di tram.

De l'alter lato a l'è on sistema saraa, che 'l gh'ha domà on produttor e che 'l permett no de affidàss a di alter produttor.

Vos correlaa Modifega