Trebbia
El Trebbia (anca al femminil; inscì anca in Italian) l'è on fiumm de l'Italia del nòrd longh 115 km, affluent de dritta del Pò. El traversa i provincc de Genova e de Piasenza e 'l marca per on tratt brev el confin tra Emilia-Romagna e Lombardia arent ai comun de Brall de Pregoeula e de Cort (Provincia de Pavia). L'è 'l fiumm de l'Emilia-Romagna con la portada media maggior (40 m³/s).
El percors
ModifegaEl fiumm el nass in Liguria ai pendis del Mont Prelà (1406 m) e dòpo vess passaa in de l'Appennin ligur (indè che 'l ciappa i aqui del riaa Terenzon), el va dent a la Provincia de Piasenza. El mantegn semper on andament puttòst tortuos. El passa arent al Mont Lesima, indè che 'l ciappa el riaa Burech e l'Avet, che l'è 'l sò affluent pussee important. De fatt l'avè trovaa l'Avet in del sò percors ghe dà el dobbi de la portada che 'l gh'eva fina a quell moment chì. Dòpo vess passaa per ona quai frazion de Cort, el ciappa i aqui del Carlon e del riaa Bòbbi (che 'l ven giò del Mont Penes). A 'sto pont el fiumm el toeu on andament Nòrd-Est e 'l finiss in de la Pianura Padana. El Trebbia el finiss in del Pò pròppi arent a Piasenza.
In del sò percors, el fiumm el traversa i comun de Montebruno, Fontanigorda, Rovegno, Gorreto, Otton, Zerb, Cerignal, Cort, Bòbbi, Cor, Trav, Rivergar, Gragnan e Piasenza.