Val Rivera

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

La Val Rivera (Valle Riviera in Italian; Reffier in todesch istoregh) l'è ona vall alpina che la se troeuva in di Alp Lepontinn.

Geografia

A l'è in del Canton Tesin, in Svizzera e l'è tutta traversada del fiumm Tesin. L'è la zona che la gh'ha a nord la Leventina e a sud Bellinzona e 'l Pian de Magadin.
La scomincia là indè che 'l Tesin el se mes'cia cont el Brenn (che 'l riva giò de la Val de Bregn) e la finiss indè che 'l fiumm el toeu sù anca i aqui de la Moesa.
In sù la riva orografega de manzina, i montagn le separen de la Val Ponteron e de la Calanca. I montagn pussee important a hinn el Torron d'Oeurz (2.948 meter) e 'l Pizz de Clar o Visagn (2.727 meter). In sù la riva de dritta inveci i montagn i le separen de la Val Verzasca e de la Val d'Ambra. I mont pussee volt a hinn el Ponton Ninagn (2.930 meter) e la Scima de l'Omm (2.390 meter). Tra i vai minor pussee important a regordom la Val d'Osogna e la Val de Lodrin.

Comun de la vall

De nord a sud, i paes de la vall a hinn: