Villapizzon
Villapizzon (Villapizzone) l'è on quarter de Milan, situaa a nord-ovest del centro, in del Municipi 8 (Porta Volta, Quarter de la Fera, Quarter Gallarates, Quart Oggiee).
Stòria
ModifegaEl paes l'è nominaa per la prima volta in del 1346.
Ai temp di piev milanes l'era on comun che 'l faseva part de la Piev de Trenn.
L'è restaa indipendent fina al 1869, se femm eccezion per el period napoleonigh, che l'ha vist Villapizzon vegnì taccada a Milan (1808-1816). A part del 1869 l'ha faa part de Musocch.
Villapizzon, che l'è in periferia, l'è staa vun di sitt de la cressida urbanistiga milanesa, e 'l vegg borgh agricol ormai l'è covert di cà noeuv di Ann Sessanta. Per on bell poo de temp l'è stada ona zona de pocca importanza, fina a quand gh'hann faa sù ona stazion del passant ferroviari milanes (ghe passen i treni che vann a Novara, a Vares e Gallaraa).
In del 1978, in de la veggia cassina arent a la gesa de San Martin, l'è nassuda ona comunità de famili (al dì d'incoeu ses), a la qual la s'è taccada anca ona comunità de Gesuita. Quella esperienza chì poeu la stada ripetuda de alter comunità in Italia.