Vomitors

Quell articol qì l'è scrivud in Lombard, cond l'ortografia Scriver Lombard.

I Vomitors i è un grupp punk-rock-folk svizzer fondad a Varzio ind el 1991.

Storia

Nassuds ind l'istad del 1991 cont al nomm Vomitors, Lalo (gitara e vox), Poncho (bass) e Donovan (bateria) i ha metud insema la prima canzon “Scimmia del Rock”. L'ideia inizial del grupp l'era qella de sonar death metal, ma pœ, senza vorer-l, i ha cambiad ideia, e i ha tacad su a compon canzon demenziai e de grott. Nal 1992 a gh'è stait un picol cambi de nom: VOMITIORS. Donovan u lassa el grupp e riva al Giengu che pœ u vegn rimpiazzad del Jalal, ind el 1993. Fin da l'inizi gh'è semper stait el gitarista Donat che u dava una man per i concerts e del 1993 u tœ part a la formazion. Ind el mes da jenar del 1994, i Vomitiors i rejistra al prim album intitolad Riei, qe l'ha portad el grupp a un sucess discret.

A cress el numer di parpœste per i concerts e el grupp u se exibis squas indepertut. Ind el 1996 al Jalal u lassa i baqette al Daiv. I Vomitiors i rejistra al nœv CD A gnè par tücc. Durant l'istad del 1997, despœ tants concerts del tur i vegn rejistrade i canzon scartade del prim disq e a vegn fœra l'album Acque passate. Ind el 1998 vegn fœr el nœv album Del cul fece trombetta, de grand sucess per el grupp. De qell moment qì, el grupp al tœ part, in di duu agn a vegnir, a vari concerts in jir in Svizzera e Italia: durant qell temp qì, i sona a la prima edizion del Open Air Tiglion ind el 1999. Durant l'istad del 2001 i rejistra Tegnom dur, qe in poc temp u deventa el disq pussee vendud del grupp fin a qell moment lì. In del 2003 per l'etiqeta discografica Disques Office, publica el sest album, intitolad 76:48, e sona cont tants grupp importants compagn di Anti-Flag, Misfits, Ska-P, Golfinger, No use for name, Hot Chocolate.

In qell ann i Vomitiors i g'ha havud l'onor de sonar in direta nazional de la Gruyere, per el prim de agost. In del 2006 el Daiv e el Donad i lassa el grupp, e inscambi de lor a ruven provisoriament el Jacky (member del grupp The Vad Vuc) e el Lorenzo.

Ind l'istad del 2007, desp 16 ann, al Poncho ü abbandona il grupp e cont luu i van anca al Lorenzo e Jacky. Ind el 2008 con al Lalo a riva una nœva band Mila (bass), Lorenz (gitara) e Luli (bateria). El grupp u torna a ciamar-s Vomitors e del 2009 i rjistra el nœv album Na Golada. El 30 de Lui 2010, durant l'open air de Maggia, u vegn rejistrad un live intitolad Live Maggia 2010 qe la Varzio Recorz l'ha publegad ind l'istad del 2011. I vomitors i entra in studi ind el 2012 per la produzion dal nœv album, per scominciar i rejistrazion, qe vegnen fermade perqè al Luli u bandona la band. Fortunatament a torna indree al Daiv (qe l'heva jemò sonad del 1996 al 2006). Ind el 2013 vegn fœra un singol, 101% Ambrì. El grupp l'è squas pront per rejistrar al nœv album.

In dal setembro dal 2015 i Vomitors i püblica al lor otav album registrad in stüdi, che u s'intitüla Psycotrizzati.

In dala primavera dal 2020, a distanza da 5 ann dala publicazion da Psycotrizzati, i Vomitors ié dre registrà un növ album.

Discografia

Album

1994 - Riei (Varzio Recorz)

1996 - A gnè par tücc! (Varzio Recorz)

1997 - Acque passate (Varzio Recorz)

1998 - Del cül fece trombetta (Pollogram)

2000 - Tegnom dür (Varzio Recorz/Disques Office)

2003 - 76:48(Disques Office)

2009 - Na golada (Varzio Recorz)

2011 - Live Maggia 2010 (Varzio Recorz)

2011 - 20 Ann da GRock (Varzio Recorz)

2015 - Psycotrizzati (Varzio Recorz)

EP

2020 - E giò Carbon (Varzio Recorz)

Singoi

2013 - 101% Ambrì (Varzio Recorz)

Compilation

• 2002 - Agitato festival 2001
• 2004 - Nextpunk.CH VOL.1
• 2010 - Ticinoband Compilation VOL.1
• 2013 - Anniversary Edition - Radio Studio Star