Wikipedia:Bot/Ciciarada

Voremm el bot di asteroid?

Alora, hoo trovaa el bot di asteroid de la itwiki, che 'l scriv tucc i vos di asteroid pussee important (quej cont el nom). Hinn on 20'000 vos, de sigur enciclopedegh e cont di informazzion scentifegh (Nom, orbita e via inscì). Se gh'è consens, foo la suplega per el bot (anca se 'l consens per el flag gh'era, ma soo mia se va ben la suplega informal) e scominci. --Sciking (ciciarade) 13:48, 5 Avr 2016 (CEST)

Mah, a mé de ìga vintmìla artìcoi sö argomèncc che ghe 'n fréga póch o negót a nisü el me entuziàsma mìa tat, magàre i prim sènto per grandèsa (i prim sich o sés ghe i hóm zà... :-) ) e chèi che g'ha vergót de particolàr che i a rènt interesancc (per ezèmpe chèi che gh'è stat vizitàcc de le sonde spasiai o chèi che g'ha l'òrbita che 'ncrùza chèla de la Tèra) ma sedenò el me par apéna en trüchèt che le fà tate wikipedie per fà nà sö el nömer dei artìcoi... Adognimòdo, ardóm chèl che i dis apò a i óter...

Piötòst, semai che ghe fös dei bot zà precunfesiunàcc, me piazarès fà i artìcoi dei cümü de la regiù del Tirolo austriàco, perchè g'hom fat chèi de la Francia sudorientàla (piö arènt a la zòna lombardòfona), chèi de la Svìsera, chèi de la Baviera e del Baden-Wurttemberg (i du land piö arènt a nóter), e mancarès apùnto chèi del Tirolo... --Ninonino (ciciarade) 14:34, 5 Avr 2016 (CEST)

Si, forsi i pussee important hinn i prim 50-100... E ghe saria de fà la cometa de l'Andrea Accomazzo :) ... Pu che olter, voeuri domanà jut al [@ Mondschein], perchè lu 'l parla todesch e donca forsi cont ona ricerca el troeuva tucc i tabell (in CSV, inscì el bot l'è bel e faa) --Sciking (ciciarade) 14:53, 5 Avr 2016 (CEST)

Comun del Tirol

Intendet per i paes e paesit in (Nord, Ost, Süd, Walsch)Tirol? --Mondschein (ciciarade) 16:56, 5 Avr 2016 (CEST)

Mé me se referése a chèsti: Gemeinde in Tirol. --Ninonino (ciciarade) 17:23, 5 Avr 2016 (CEST)

[@ Sciking], e chèsto el podarès véser en bù pùnto de partènsa: [1] . El nömer del cümü el g'harès de zà dà l'indicasiù del Bezirk de apartenènsa, per ezèmpe el cümü de Zils el g'ha el nömer 70219: el 7 el sta per Tirol, el 02 el sta per el bezirk Imst e 19 l'è el nömer progresìf del cümü e isé se pöl cumincià a scrìer en artìcol mìnimo. Che 'n pènset? --Ninonino (ciciarade) 17:55, 5 Avr 2016 (CEST)

Va benon! In teoria pòdi fà tutta l'Austria, ma scominci cont el Tirol, quand l'Excel el voeur partì, semm ciar :D --Sciking (ciciarade) 18:58, 5 Avr 2016 (CEST)

Ottimo [@ Sciking], dòpo, zà che som dré, me piazarès fà pò i arrondissement fransés e mèter a pòst le regiù franséze perchè l'an pasàt i n'ha acorpàde divèrse, ma 'ntat ambióm con chèsti... ;-) --Ninonino (ciciarade) 08:47, 6 Avr 2016 (CEST)

Ok, hoo faa, poeu quand che ghe sarà el template apposta el mettaroo insema al Wappen. --Sciking (ciciarade) 15:26, 6 Avr 2016 (CEST)

Brào [@ Sciking], èco che gh'è partit el ScikingBot... :-D

Ghe riarèset mìa a fa i articoi almeno isé e magàre zontàga zamò l'infobox a destra e 'l marcadur del template de navigasiù del distrèt come gh'è stat fat per i cümü fransés, svìser e todèsch? --Ninonino (ciciarade) 15:28, 6 Avr 2016 (CEST)

Per l'infobox... Gh'è on infobox general o gh'hemm de scrivel? Per el distrett nissun problema, se gh'è ona font 'me quella che t'heet trovaa. --Sciking (ciciarade) 15:32, 6 Avr 2016 (CEST)

Ma l'è minga mej dervì ona pagina Wikipedia:Bot/Ciciarada? --Sciking (ciciarade) 15:43, 6 Avr 2016 (CEST)

Prim de töt complimèncc!!! :-D Brào, brào e amò brào!

L'infobox l'è de fà, magàre a chèl ghe pènse mé e apò per i navbox. Per i distrècc: te pödet doprà el nömer del còdes per risalì al distrèt. Déter endel excel te pödet doprà le funsiù "destra()" e "sinistra()" per izolà le dò cifre che identìfica el ditrèt, cioè: se el còdes l'è 70201, l'istrusiù "=SINISTRA(DESTRA("70201";4);2)" la dà come rezültàt 02, e 02 l'è el corespondènt del distrèt de Imst... só mìa se só spiegàt... --Ninonino (ciciarade) 15:44, 6 Avr 2016 (CEST)

[@ Sciking], t'ho mandàt 'na mail... ;-) --Ninonino (ciciarade) 16:03, 6 Avr 2016 (CEST)

Atensiù apò a la tèrsa colòna del file che la ìndica el rànch de l'entità aministratìva, cioè: SS = Statutarstadt (cità statutària), ST = Stadt (cità), M = marktgemeinde (cümü mercàt) e chèi sènsa negót i è cümü normài. --Ninonino (ciciarade) 16:53, 6 Avr 2016 (CEST)

Gh'hoo de capì 'me fà on subst doppi e foo tutt! :)

[@ Sciking], che fòza che el ScikingBot el g'ha saltàt töcc i cümü tirolés con dét le lètere co la umlaut (compagn de Mühlbachl, Ellbögen, ecc.)?

Probebilment l'è staa on error de conversion Libreoffice -> CSV -> AutoWikiBrowser. Faroo a man, hinn pocch! --Sciking (ciciarade) 16:26, 7 Avr 2016 (CEST)

Bon [@ Sciking], pènse che adès i artìcoi Zirl e Obernberg am Brenner i pöl véser ciapàcc come ezèmpe per fà töcc i óter col bot. Per mès del nömer de còdes statìstich se càrga en automàtich: le cuurdinàde e la puzisiù sö la cartìna, el nömer de abitàncc, la superfìce e la altitüden. Se pödarès fàga cargà apò a 'l tìpo de entità aministratìva, ma te pödet fal apò a col wikidata. Che 'n dìzet? --Ninonino (ciciarade) 17:13, 7 Avr 2016 (CEST)

Obamabot

I vos sora i president USA hinn an'mò da finì. In pratega gh'hoo de:

spettà el bot che mett tutt in Wikidata
Doperà el bot per susbtà el template Wikidata
Sostituì i nomm italian di mes

Subst Benvegnuu

Incoeu el Dragonòt el dà el benvegnuu cont on template mia subtaa, e l'è ona ròba minga tròpp bella (mea culpa, gh'hoo daa el codes senza subst). El femm via bot? --Sciking (ciciarade) 14:05, 11 Avr 2016 (CEST)

Comun de la Galizzia

Vist che semm in collaborazzion cont i galizzian, podariem scriv i vos di comu de la Galizzia... --Sciking (ciciarade) 16:10, 20 Avr 2016 (CEST)

Mah, mé farèse apéna i centri piö grancc, per ezèmpe chèi con de piö de 10000 abitàncc, però sentóm chèl che dis apò a i óter...

Però, en laùr... g'ho negót en contràre en lìnea de prensépe, ànse me par 'na bùna inisiatìva, ma la lmo come comunità, l'hàla discutìda quàndo chèsta colaborasiù co la gl.wiki? Me sói pirdìt mé quach pasàgio? --Ninonino (ciciarade) 08:29, 21 Avr 2016 (CEST)

[@ Sciking] Scüza 'n àtim però: te g'hét fat 'na richiésta ché 'nsìma, t'ho respundìt apéna mé e t'ho dit che segondo mé sarès stat mèi fà apéna i cümü piö grancc, e té te g'hét fat zabèla töcc i cümü de dò de le quàter pruvìnce e te g'hét scultàt nisü. Se fà mìa isé a laurà 'n comunità, suradetöt quan che gh'è de mès i bot che fà zó artìcoi a bràche. Prim de töt bezògna lasàga el tép a la zét de respónder e segónt bezògna tègner en cönt chèl che i dis a i óter e troà 'na sulusiù consensuàla, mìa fà ognü de sò có. Adès chèl che l'è fat l'è fat, però sercóm de laurà töcc ensèma. --Ninonino (ciciarade) 12:28, 22 Avr 2016 (CEST)