Wikipedia:Parlóm en pó de nóter/Setember 2012
Ol Cesarino Monti (Saròn, 28 de mars del 1947 – Roma, 22 de löi del 2012) l’è stacc ün imprendidùr e ün òm polìtech lumbàrt de la Lega Nord.
Trè ólte sìndech e dò ólte senadùr Modifega
Ol Cesarino l’è dientàt sìndech del sò paìs, Lazzaa, in del 1997, dòpo i prim sich agn l’è stài confermàt de bèl nöf a i elesiù del 2001 e l’è restàt sìndech ‘nfìna al 2006. Dal 2006 l’è stàcc asesùr al teritòre ‘ntat che gh’èra a sìndech ol Riccardo Monti. L’è turnàt a candidàs e l’è dientàt sìndech per la tèrsa ólta in del 2011 e l’è restàt al sò pòst ‘nfìna al dé che l’è mórt.
L’è stacc ach senadùr de la repüblica per dò ólte, in de la legisladüra chèla de XIV dal 2001 al 2006 e in de la legisladüra chèla de XVI, dal 2008 al 2012, ‘ndo che l’è stacc ach ol vicepresidènt de la Comisiù Teritòre, Ambiènt e Béni Ambientài.
In guèra col perfèt per ol “concorso padano” Modifega
In del 1998 ol Cesarino Monti, sìndech de Lazzaa, l’à portàt in consèi cümünàl e pò fài aproà ol 4 de mars de chèl an ü regolamét per i concórs cümünài che ‘l ghe dàa trì póncc in piö a chèi che i stàa de cà a Lazzaa almànch de 5 agn.