Alternativa Popolar
Alternativa Popolar (Alternativa Popolare in italian) l'è 'n partii de center-destra fondaa el 18 de marz del 2017 comé successor del Nuovo Centrodestra. El president l'è ancamò l'Angelino Alfano e gh'è staa di delegaa comé Beatrice Lorenzin, Enrico Costa, Roberto Formigoni, Fabrizio Cicchitto, Maurizio Lupi e di alter de tutta Italia.
| Alternativa Popolare | |
|---|---|
| Guida | Paolo Alli |
| Portavox | Valentina Castaldini |
| Stat |  |
| Fondazion | 18 de marz del 2017 |
| Partids asorbids | Nuovo Centrodestra |
| Ideolojia | Cristianesim democratich Conservatorism liberal Europeism |
| Collocazion | Center |
| Coalizion | Area Popolar |
| Partid europee | Partii Popolar Europee |
| Cadrege Cambra |
24 / 630 |
| Cadrege Senad |
22 / 315 |
| Cadrege Parlament europee |
1 / 73 |
| Color | bloeu |
| $fine | |
Storia
ModifegaL'è nassuu comé tentativ de dàgh 'na cà a tucc i moderaa d'Italia, dopo che Forza Italia l'ha scernuu de liàss cont la Liga Nord. A fin 2017 l'ha scernuu de separàss consensualment, dòpo che l'Alfano l'ha nonziaa de recandidàss no. L'ala sinistra del partii l'ha tegnuu el simbol de AP, quella destra la gh'avarà el simbol del desligaa Nuovo Centrodestra, e 'l grupp parlamentar el restarà unii finna a fin legislatura. La sinistra la se candida in la lista Civica Popolare per el center-sinistra cont la Beatrice Lorenzin
In di regionai in Lombardia la pupart di member de Lombardia Popolare l'ha scernuu de sgiontàss in Noi con l'Italia per supportà Attilio Fontana, anca se la posizion offiziala de AP, semper in Civica Popolare, a l'era per el Giorgio Gori.
In Lazio, dòpo 'n appogg a Nicola Zingaretti deciden de candidàss indeperlor dòpo de la lianza del Zingaretti cont Liber e Inguai cont el Jean-Leonard Touadi, ex collaborator del Zingaretti.