Attilio Fontana
L'Attilio Fontana (Vares, 28 de marz 1952) a l'è on politegh e avocatt italian, President de la Lombardia dal 2018, sindegh de Vares dal 2006 al 2016 e President del Consili Regional de la Lombardia dal 2000 al 2006.
| Attilio Fontana | |
|---|---|
 | |
 | |
| In carica | |
| Prencepe del mandad | 26 de marz 2018 |
| Predecessor | Roberto Maroni |
 | |
| Ol durar del mandad | 29 de magg 2006 – 19 de giugn 2016 |
| Predecessor | Sergio Porena (commissari prefettizzi) |
| Sucessor | Davide Galimberti |
| |
| Ol durar del mandad | 12 de giugn 2000 – 6 de luj 2006 |
| Predecessor | Giancarlo Morandi |
| Sucessor | Ettore Adalberto Albertoni |
| Lejisladure | VII, VIII |
 | |
| Ol durar del mandad | 1995 – 1999 |
| Informazion jenerale | |
| Partid politeg | Liga Nord |
| Titol de studi | Laurea in giurisprudenza |
| Profession | Avocatt |
Biografia
ModifegaLaureaa in giurisprudenza dal 1980 el gh'ha on studi professional. Dal 1979 al 1982 a l'è staa el conciliator de Indun e dal 1983 al 1988 quella de Vice Pretor Onorari a Gaviraa.
Esponent de la Liga Nord l'è staa sindegh de Indun dal 1995 al 1999 e in del 2000 a l'è elegiuu consiliee al Consili Regional lombard e l'è scernuu President, e 'l resta finna al 2005.
A magg 2006 a l'è elegiuu sindegh de Vares al primm turn cont el il 57,8%, e l'è reconfermaa in del 2011, semper al primm turn. El resta in carica finna al 19 de giugn 2016 quand l'è suceduu del Davide Galimberti. A l'è staa President de l'ANCI lombarda.
In del 2007, 'me avocatt de l'Andrea Mascetti el fa condannà el Michele Santoro per diffamazion.
In del 2018 a l'è candidaa del center-destra ai Elezion regionai in Lombardia del 2018 dopo de la renonzia del Robert Maron a fà el segond mandaa e l'è elegiuu squasi cont el 50% di vot.
El se recandida in di elezion del 2023, sostegnuu del center-destra, contra la soa ex vizeprezidenta Letizia Moratti, sostegnuda del Terz Pol, del Pierfrancesco Majorino, sostegnuu del center-sinistra, e de la Maia Ghidorzi, de l'Union Popolar, e l'è reconfermaa.
Controversij
ModifegaLongh de la campagna elettoral per la Region Lombardia del 2018 l'ha dii, a Radio Padania Libera, che boeugna defend l'esistenza de la "razza bianca" che cont l'immigrazion la saria stada a ris'c. Accusaa de razzism e criticaa de squasi tutta la politega l'ha poeu parlaa de on lapsus, ma el s'è difenduu cont el dì che la Costituzion italiana, a l'articol 3, la parla de razza.
I alter candidaa a la Region s'hinn dii indignaa de la fras: el Giorgio Gori l'ha definii on Matteo Salvini in giacca e crovatta, el Dario Violi l'ha dii che l'è vergognos e che 'l gh'ha de pensà a la legalità in del sò partii.
Riferiment
Modifega- Regionali Lombardia, Berlusconi: "Il candidato del centrodestra sarà Fontana, nessun contrasto con la Lega"
- MICHELE SANTORO CONDANNATO A VARESE PER DIFFAMAZIONE Arqiviad qé: [1]
- Fontana, Mucci e Farioli al primo turno. La Cdl vince a Castellanza e Vergiate. Casale Litta al centrosinistra
- “La razza bianca è a rischio”. Fontana choc, poi le scuse
- Lombardia, Attilio Fontana insiste con la razza bianca: "Allora cambiamo anche la Costituzione, visto che se ne parla"
- Fontana vince di venti punti. Milano, centrodestra al 40%