Altocumulus stratiformis

Quest articol chì l'è scrivuu in lombard, grafia milanesa.

Vos principala: Altocumul.

L'altocumulus stratiformis (abbreviadura Ac str) a l’è vuna di quatter speci di nìvol del tipo altocumulus. Tenden a fà di strat estés de element separàa infra de lor o di vòlt miss insèma, che gh’hànn ‘n spessór minor de 500 m. A hinn la specie pussée frequént de altocumul.

Caratteristich

Quèj nìvol chì tenden a mèttes insèma a fà su di grand strat (di quàj el ne sortìss el nòmm de la specie) che impienìssen a la svèlta el ciel dandogh l’aspètt caratteristich de ciel a ochétt, de sòlti associàa cont el rivà de fòrt precipitazion. Quèj nìvol chì, defàtt pòden trasformass in di nimbostratus che l’è on tipo de nivola che 'l pòrta la pioeuva.

Vist del’interna, compagn che in del caso del passagg di reoplan, dànn l’impressión de gorà denter in dona scighera fada su de gottìnn de acqua alternàd con di cristaj de giazz. La turborenza l’è intra al débol e ‘l moderàa.